މިރޭ 11:10 ހާއިރު ހުޅުމާލޭގެ ދެ ފިޔަވަހީގެ ބޮޑު ސަރަހައްދަކުން ކަރަންޓު ކެނޑުނީ ސަބްސްޓޭޝަންތަކަށް ކަރަންޓު ފޮނުވައިދޭ ކޭބަލަކަށް ދިމާވި މައްސަލައަކުން ކަމަށް ސްޓެލްކޯއިން ބުނެފިއެވެ. ކަރަންޓު ކެނޑުނު ސަބަބު ހާމަކުރަމުން ސްޓެލްކޯއިން ބުނެފައިވަނީ ހުޅުމާލެއަށް ކަރަންޓު ދޭ ފީޑަރުތަކުގެ ތެރެއިން ފީޑަރެއް ޓްރިޕްވީ ކަމަށެވެ.

އަޕްޑޭޓް: ހުޅުމާލޭގެ ދެވަނަ ފިޔަވަހީގެ އެމްޕީއެލް ޓަވަރާއި، ދިރާގު ބިލްޑިންގ ފިޔަވާ ކަރަންޓުގެ ހިދުމަތް މެދުކެނޑުނު ހުރިހާ ސަރަހައްދުތަކަކަށް މިހާރު ވަނީ އަލުން ކަރަންޓު ދެވިފައި. https://t.co/Vzk5Kh5r4i

އަޕްޑޭޓް: ހުޅުމާލޭގެ ދެވަނަ ފިޔަވަހީގެ އެމްޕީއެލް ޓަވަރާއި، ދިރާގު ބިލްޑިންގ ފިޔަވާ ކަރަންޓުގެ ހިދުމަތް މެދުކެނޑުނު ހުރިހާ ސަރަހައްދުތަކަކަށް މިހާރު ވަނީ އަލުން ކަރަންޓު ދެވިފައި. https://t.co/Vzk5Kh5r4i

— STELCO (@STELCOMALDIVES)

ފީޑަރު ޓްރިޕްވުމަކީ ކަރަންޓު ދިނުމުގައި ނުރައްކާތެރި ހާލަތެއް މެދުވެރިވުމުގެ ފުރުސަތު ފާހަގަވުމުން އޮޓޮމެޓިކުން ކަރަންޓު ޑިސްޓްރިބިއުޝަން ނެޓްވޯކާ ގުޅިފައިވާ ޓްރާންސްފޯމަރުން ކަރަންޓު ކެނޑިގެން ދިއުމެވެ. މިއީ ތަފާތު ސބަބުތަކެއް ދިމާވެގެން ވާކަންތައްތަކެވެ. ބައެއްފަހަރު އެކްސްޓާނަލް އިޝޫއަކުން ވެސް މިހެން ވެދާނެއެވެ.

ފާހަގަކޮށްލަން ޖެހޭ ކަމަކީ ހުޅުމާލޭގައި ހުންނަ ސްޓެލްކޯގެ ޑިސްޓްރިބިއުޝަން ބޮކްސްތަކަށް ގެއްލުންދީ ފޯމަރުތައް ހަލާކުކޮށް އެއިން ކޭބަލްތައް ވަގަށް ވެސް ނަގާކަމެވެ. އަދި އެތަކެއްޗަށް ގެއްލުން ވެސް ދެއެވެ. އެހެންކަމުން، ހުޅުމާލޭގައި ދިމާވާ ކަރަންޓު މައްސަލަތަކަކީ ސްޓެލްކޯގެ އިހުމާލުން ދިމާވާ ކަންތަކެއް ނޫނެވެ.

ސްޓެލްކޯއިން ބުނީ ފުރަތަމަ ފިޔަވަހީގެ ތިން ޓްރާންސްފޯމަރެއް މިހާރު އެނަޖައިޒްކޮށް ކަރަންޓު ދެވިފައިވާ ކަމަށާއި، ކަރަންޓު ނުދެވި ހުރި ސަރަހައްދުތަކަށް ވީ އެންމެ އަވަހަކަށް ކަރަންޓު ދޭނެ ކަމަށެވެ. އަދި ދިމާވާނެ ދަތިތަކަށް މަޢާފަށް އެދިފައިވެއެވެ.

ހުޅުމާލެއިން ކަރަންޓް ނުލިބި ހުރީ މިރޭ 12 ޖެހުމާއި ހަމަޔަށް އެމްޕީއެލް ޓަވަރާއި ދިރާގު ބިލްޑިންގ އެކަންޏެވެ.