ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ރިޕަބްލިކް އޮފް އެސްޓޯނިއާގެ ޓަލިންގައި ހުންނަ އީ-އެސްޓޯނިއާ ބްރީފިންގ ސެންޓަރަށް ޒިޔާރަތްކުރައްވައިފިއެވެ.

އެ ސެންޓަރުން ރައީސް އަށް ހޫނު މަރުޙަބާއެއް ދެންނެވީ އީ-އެސްޓޯނިއާ ބްރީފިންގ ސެންޓަރުގެ ހެޑް މިސް ޓްރިއިން ޖޮއާސާރޭ އާއި އިންޓަރނޭޝަނަލް ސަރވިސަސް ޑިވިޜަންގެ އެކްޓިންގ ހެޑް އަދި އެންޓަޕްރައިޒް އެސްޓޯނިއާގެ އެސްޓޯނިއަން އިންވެސްޓްމަންޓް އެޖެންސީގެ ޑިރެކްޓަރ މިސްޓަރ ޖޫނާސް ވެންޓޯއެވެ.

މި ދަތުރުފުޅުގައި ދިވެހި ސަރުކާރުގެ ވަފުދަށް ވަނީ އެސްޓޯނިއާގެ ޑިޖިޓަލް ޓްރާންސްފޯމޭޝަން ދަތުރުގެ ޕްރެޒެންޓޭޝަނެއް ދީފައެވެ. މީގެ އިތުރުން، އެސްޓޯނިއާގެ ޑިޖިޓަލް ސޮސައިޓީ އާއި އީ-ގަވަރނަންސް އިނޮވޭޝަންތަކާއި، އީ-ރެސިޑެންސީ، ޑިޖިޓަލް އައިޑީ، އީ-ޓެކްސޭޝަން އަދި އެކްސް-ރޯޑް ސިސްޓަމްތައް މެދުވެރިކޮށް ރައްކާތެރި ޑޭޓާ އެކްސްޗޭންޖް ފަދަ ޑިޖިޓަލް ސިސްޓަމްތައް އިންޓަގްރޭޓް ކުރުމުގައި އެސްޓޯނިއާ އިން ހޯދާފައިވާ ކާމިޔާބީއާއި ބެހޭ ގޮތުން ރައީސް އާއި ސަރުކާރުގެ ވަފުދަށް ޕްރެޒެންޓޭޝަނެއް ދީފައިވެއެވެ.

ރައީސް އެސްޓޯނިއާއަށް ކުރައްވަމުން ގެންދަވާ ރަސްމީ ދަތުރުފުޅަކީ ރިޕަބްލިކް އޮފް އެސްޓޯނިއާގެ ރައީސް ޑރ. އަލާރް ކަރިސްގެ ދައުވަތަކަށް ކުރައްވާ ރަސްމީ ދަތުރުފުޅެކެވެ. އެމަނިކުފާނުގެ އަރިހުގައި ރާއްޖޭގެ ޓެކް ކޮމިއުނިޓީގެ މަންދޫބުން ހިމެނޭ ގޮތަށް ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވައެވެ.