މާދަމާ މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން މިއަދު ބުނެފިއެވެ.

ސްޓެލްކޯއިން އެކްސްގައި ޝާއިރުކުރި ޕޯސްޓެއްގައި ބުނީ، މާދަމާ ހެނދުނު 9:30 އާއި 10:00 އާ ދެމެދު މާލޭގެ ކުރިކީލަ މަގު، ދިލްބަހާރު މަގު އަދި ދެވިނަ މަގު ހިމެނޭ ސަރަޙައްދުން ކަރަންޓު ކެނޑިދާނެކަމަށެވެ. އަދި މެންދުރުފަހު 2:00 އާއި 3:00 އާ ދެމެދު ޖޯޝީ ހިނގުން، ޗާންދަނީ މަގު އަދި ޗާންދަނީ މަގު ހަނި ގޯޅި ހިމެނޭ ސަރަޙައްދުން ކަރަންޓު ކެނޑިދާނެ ކަމަށްވެސް އެ ކުންފުނިން ބުންޏެވެ.

މި ސަރަޙައްދުތަކުން ކަރަންޓު ކަނޑާލަން ޖެހެނީ ކަރަންޓު ވިއުގަ އަޕްގްރޭޑް ކުރުމުގެ މަސައްކަތެއް ކުރަން ޖެހޭތީ ކަމަށް ސްޓެލްކޯއިން ހާމަކުރިއެވެ. އަދި މި މަސައްކަތުގެ ސަބަބުން ރައްޔިތުންނަށް ކުރިމަތިވެދާނެ ދަތިތަކަށް ސްޓެލްކޯއިން ވަނީ މަޢާފަށް އެދިފައެވެ.

ކަރަންޓު ކެނޑިދާނެ ކަމަށް ބުނެފައިވާ ސަރަޙައްދުތަކުގައި ދިރިއުޅޭ ނުވަތަ މަސައްކަތްކުރާ ފަރާތްތަކުން މި ކަމަށް ސަމާލުކަން ދިނުމަށް ސްޓެލްކޯއިން އިލްތިމާސްކޮށްފައިވެއެވެ. އަދި ކަރަންޓު ކެނޑޭ ވަގުތުތަކުގައި ރައްކާތެރިކަމުގެ ފިޔަވަޅުތައް އެޅުމަށްވެސް އެ ކުންފުނިން އާންމުންނަށް އިރުޝާދު ދީފައިވެއެވެ.