ސީބިޓް މޯލްޑިވްސް ޕްރޮޖެކްޓްގެ ދަށުން ލޯ އެމިޝަންސް އެނަލިސިސް ޕްލެޓްފޯމްގެ ތަމްރީން ފަށައިފި

ސީބިޓް މޯލްޑިވްސް ޕްރޮޖެކްޓްގެ ދަށުން ލޯ އެމިޝަންސް އެނަލިސިސް ޕްލެޓްފޯމް (ލީޕް) އާ ގުޅޭ ތަމްރީން ޕްރޮގްރާމެއް ފަށައިފިއެވެ.

މޫސުމީ ބަދަލުތަކާއި ތިމާވެށްޓާއި ހަކަތައާއި ބެހޭ ވުޒާރާއިން ބުނީ މި ތަމްރީން ޕްރޮގްރާމް އަމާޒުކުރެވިފައިވަނީ ބައިވެރިންނަށް ލީޕްގެ ޔޫސަރ އިންޓަރފޭސް އަދި ޓަރމިނޮލޮޖީއާ އަޙުލުވެރި ކުރުވުމަށް ކަމަށެވެ.

މި ތަމްރީނުގައި އެނަރޖީ ޑިމާންޑް އަދި ސަޕްލައި، އެނަރޖީއާ ގުޅުންހުރި އެމިޝަންތައް، އަދި އެނަރޖީ ސިސްޓަމްތަކުގެ ޚަރަދުތަކާއި ފައިދާތައް މޮޑެލްކުރުމުގައި ލީޕްގެ ޤާބިލުކަން ދައްކައިދެވޭނެ ކަމަށް ވުޒާރާއިން ބުންޏެވެ.

ވުޒާރާއިން ބުނީ މި ތަމްރީން ޕްރޮގްރާމް ކުރިއަށް ގެންދަވަނީ ސްޓޮކްހޯމް އެންވަޔަރަންމަންޓް އިންސްޓިޓިއުޓް (އެސްއީއައި) ގެ ސައިންޓިސްޓް ޑރ. ޝާލޮޓް ވެގްނަރ އާއި އެމްއާރްވީހަބް/ޖީއެޗްޖީއެމްއައި ގެ ބެނިސް ޖޯސެފް ކަމަށެވެ.

^{ލޯ އެމިޝަންސް އެނަލިސިސް ޕްލެޓްފޯމްގެ ތަމްރީން ޕްރޮގްރާމްގެ ތެރެއިން. / ފޮޓޯ: މޫސުމީ ބަދަލުތަކާއި ތިމާވެށްޓާއި ހަކަތައާއި ބެހޭ ވުޒާރާ}

ސީބިޓް މޯލްޑިވްސް ޕްރޮޖެކްޓަކީ ގްލޯބަލް އެންވަޔަރަންމަންޓް ފެސިލިޓީ (ޖީއީއެފް) އިން ފަންޑުކޮށްގެން ވުޒާރާއާއި ޔޫއެން އެންވަޔަރަންމަންޓްގެ އެހީތެރިކަމާއެކު ހިންގާ މަޝްރޫޢެކެވެ. ވުޒާރާއިން ބުނި ގޮތުގައި މި ތަމްރީން ޕްރޮގްރާމަކީ ބައިވެރިންނަށް ފައިދާހުރި އަދި އުފެއްދުންތެރި ޕްރޮގްރާމަކަށް ވާނެކަމަށް އުންމީދުކުރެވެއެވެ.

މި ތަމްރީން ޕްރޮގްރާމް ކުރިއަށްދާނީ 5 ދުވަހުގެ މުއްދަތަށް ކަމަށާއި، މިއީ ރާއްޖޭގައި ދަށް އެމިޝަންތަކެއް ކުރާ ތަރައްޤީގެ މަގު ހޯދުމަށް މުހިންމު ފިޔަވަޅެއް ކަމުގައި ވުޒާރާއިން ފާހަގަކުރިއެވެ.