ނައިންޓީ ޕްލަސް ގޯލްޑް ކަޕް 2024 ގައި ރޭ އައްޑޫ ސިޓީ އާއި ކ. ގުރައިދޫ ބައްދަލުކުރި މެޗު 1-1 ގެ ނަތީޖާ އަކުން އެއްވަރުވެއްޖެއެވެ.
ގްރޫޕް ސީގެ މެޗުން ގުރައިދޫ އެއްވަރުވިއިރު އެޓީމު މީގެ ކުރިން ހުރާ އަތުން ވަނީ 3-1 ގެ ނަތީޖާ އަކުން މޮޅުވެފައެވެ. އައްޑޫ ކުޅުނު ފުރަތަމަ މެޗު 1-1 ގެ ނަތީޖާއަކުން އެއްވަރުވެފައިވަނީ ޅ. ކުރެންދޫއާއި ވާދަކޮށެވެ.
ރޭ ކުޅުނު މެޗުގައި ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު، މެޗުގައި ފެނިގެންދިޔަ ދެ ލަނޑުވެސް ދެ ކާމިޔާބުކޮށްފައިވަނީ ފުރަތަމަ ހާފުގައެވެ.
Advertisement
އައްޑޫން ފުރަތަމަ ލީޑު ނެގިއިރު، މި ލަނޑު ކާމިޔާބުކޮށްދިނީ މެޗު 13 ވަނަ މިނެޓުގައި ކެޕްޓަން އަލީ ނާފިއު ހުރަސްކޮށްދިން ބޯޅައަކުންނެވެ މުޙައްމަދު އިންޝާލް އެވެ. ނަމަވެސް އޭގެ ނުވަ މިނެޓު ފަހުން ގުރައިދޫން ވަނީ ނަތީޖާ އެއްވަރުކޮށްފައެވެ. މި ލަނޑު އެ ޓީމަށް ކާމިޔާބުކޮށްދިނީ އަޙްމަދު އަހުޒަމް ވަދީއު އެވެ.
އިއްޔެ ކުޅުނު ގްރޫޕް ބީގެ މެޗުން އޭދަފުށި މޮޅުވީ ތ. ތިމަރަފުށި އަތުން ފަސޭހަކަމާއެކު 4-0 ގެ ނަތީޖާއަކުންނެވެ. މިއީ މި މުބާރާތުގައި އޭދަފުށިން ހޯދި ދެވަނަ މޮޅެވެ. ފުރަތަމަ މެޗުގައި އެ ޓީމުން ކުޅުނީ ވަނީ ބ. ތުޅާދޫއާ އެވެ. އެ މެޗު އޭދަފުށި ކާމިޔާބުކޮށްފައިވަނީ އަތުން 5-1 ގެ ނަތީޖާއަކުންނެވެ. މިއާއެކު އޭދަފުށިން މިވަނީ ދެވަނަ ބުރުން ޖާގަ ހޯދާފައެވެ.
މުބާރާތުގައި 4 ގުރޫޕް ހިމެނޭއިރު ޖުމްލަ 17 ޓީމު ވާދަކުރެއެވެ. މުބާރާތުގެ ގުރޫޕް އޭގައި ހިމެނެނީ ފުވައްމުލައް ސިޓީ، ދ. ކުޑަހުވަދޫ، ގދ. ފަރެސްމާތޮޑާ އަދި ހއ. ދިއްދޫ އެވެ. ގުރޫޕް ބީގައި ހިމެނެނީ މާލެ ސިޓީ، ތ.ށި، ބ. އޭދަފުށި އަދި ބ. ތުޅާދޫއެވެ. ގުރޫޕް ސީގައި އައްޑޫ ސިޓީ، ޅ. ކުރެންދޫ، ކ. ހުރާ އަދި ކ. ގުރައިދޫ ހިމެނޭއިރު، ގުރޫޕް ޑީގައި ހިމެނެނީ ޅ. ނައިފަރު، ކ. މާފުށި، ރ. އަލިފުށި އަދި ބ. ކެންދޫއެވެ.
