ޕެޓްކެއަރ ފެސިލިޓީ "އޮޅުހިޔާ" ރަސްމީކޮށް ހުޅުވުނުތާ ދެ ހަފްތާއަށްވުރެ ގިނަ ދުވަސްވެފައިވާއިރު، މަގުމަތީގައި އުޅޭ ބުޅާތައް އެ ފެސިލިޓީއަށް ގެންދިއުމުގެ އަމަލީ މަސައްކަތެއް މިހާތަނަށް ކުރެވިފައި ނުވާތީ، ދަނޑުވެރިކަމާއި ދިރޭތަކެއްޗާ ބެހޭ ވުޒާރާގެ ވަޒީރު ޑރ. ޢައިޝަތު ރަމީލާ މިއަދު މާލޭ ސިޓީ ކައުންސިލާ ބައްދަލުކޮށްފިއެވެ.
މި ބައްދަލުވުމުގައި މިނިސްޓަރ ރަމީލާގެ އިތުރުން އެ މިނިސްޓްރީގެ އިސް ބޭފުޅުންނާއި، މާލޭ ސިޓީ ކައުންސިލްގެ މެންބަރުން ބައިވެރިވެ ވަޑައިގެންނެވިއެވެ. މި ބައްދަލުވުމުގައި މަގުމަތީގައި އުޅޭ ބުޅާތައް ޕެޓްކެއަރ ފެސިލިޓީއަށް ގެންދިއުމުގެ މަސައްކަތް އަވަސް ކުރުމާ ގުޅޭގޮތުން ތަފްސީލީ މަޝްވަރާތަކެއް ކުރެވުނު ކަމަށް ވުޒާރައިން ފާހަގަކުރިއެވެ
ޕެޓްކެއަރ ފެސިލިޓީ ރަސްމީކޮށް ހުޅުވުމަށްފަހު މިއަދާހަމައަށް ވެސް މަގުމަތީގައި އުޅޭ ބުޅާތައް ފެސިލިޓީއަށް ގެންދިއުމުގެ އަމަލީ އެއްވެސް މަސައްކަތެއް ކޮށްފައި ނުވާތީ، އެކަމާގުޅޭގޮތުން މިމަސައްކަތް ހަވާލުކޮށްފައިވާ ފަރާތްކަމުގައިވާ
1/2@min_maaw @MaleCitymv pic.twitter.com/G37bmUahXB
ޕެޓްކެއަރ ފެސިލިޓީ "އޮޅުހިޔާ" ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުޅުއްވައިދެއްވީ މި މަހުގެ 2 ވަނަ ދުވަހުއެވެ. މި ފެސިލިޓީ ހުޅުވުމުގެ މައިގަނޑު މަޤުޞަދަކީ މާލޭގެ މަގުތަކުގައި އުޅޭ ބުޅަލުގެ އާބާދީ ކޮންޓްރޯލްކުރުމާއި، ޖަނަވާރުތަކުގެ ރައްކާތެރިކަމާއި ދުޅަހެޔޮކަން ކަށަވަރުކުރުމެވެ. އަދި ޖަނަވާރުގެ ޒަރީޢާއިން ފެތުރިދާނެ ބަލިތަކުގެ ހިރާސް ކުޑަކުރުމަށްވެސް މި ފެސިލިޓީން އެހީތެރިކަމެއް ލިބިގެންދާނެކަމަށް ވުޒާރާއިން ކުރިން ފާހަގަކުރިއެވެ.
