އިނގިރޭސީ ޕްރިމިއަރ ލީގުގައި ރޭ މެންޗެސްޓަރ ސިޓީ އާއި ދެކޮޅަށް ކުޅެ ޓޮޓެންހަމް 4-0 ގެ ނަތީޖާއިން މޮޅުވެ ގާޑިއޯލާ ހާސްކޮށްލައިފިއެވެ. މި މެޗުގައި ޓޮޓެންހަމްގެ ޖޭމްސް މެޑިސަން ވަނީ ދެ ލަނޑު ޖަހާފައެވެ. އޭނާ ފުރަތަމަ ލަނޑު ޖެހީ މެޗުގެ 20 ވަނަ މިނެޓުގައެވެ. އިތުރު ލަނޑުތައް ޖެހީ ޕެޑްރޯ ޕޯރޯއާއި ބްރެނަން ޖޮންސަނެވެ.

^{މެންޗެސްޓަރ ސިޓީއާ ދެކޮޅަށް ރޭ ކުޅުނު މެޗުގައި ޖޭމްސް މެޑިސަން އޭނާގެ ދެވަނަ ގޯލު ޖަހަނީ.}

މިއާއެކު ސިޓީ ވަނީ ވިދިވިދިގެން ފަސް މެޗުން ބަލިވެފައެވެ. މިއީ ޕެޕް ގާޑިއޯލާގެ ކޯޗިންގ ކެރިއަރުގައި ވިދިވިދިގެން އެންމެ ގިނަ މެޗުން ބަލިވި ރެކޯޑެވެ. އަދި މިއީ 1956 އިން ފެށިގެން އިނގިރޭސި ޕްރިމިއަރ ލީގުގެ ޗެމްޕިއަނުން ވިދިވިދިގެން ފަސް މެޗުން ބަލިވި ފުރަތަމަ ފަހަރެވެ.

މި ނަތީޖާ އާއިއެކު ޓޮޓެންހަމުން ވަނީ 23 ޕޮއިންޓާއިއެކު ތާވަލުގެ ދެވަނައިގައި އޮތް ސިޓީ އާއި ހަތަރު ޕޮއިންޓަށް ކައިރި ކޮށްފައެވެ.

މާދަމާ ކުޅޭ މެޗުގައި ސައުތަމްޕްޓަން އަތުން ލިވަޕޫލް މޮޅުވެއްޖެނަމަ ސިޓީއާއި ލިވަޕޫލްއާއި ދެމެދު އަށް ޕޮއިންޓުގެ ފަރަގެއް އަންނާނެއެވެ.

އަމިއްލަ ދަނޑުގައި މިރޭ ކުޅެ ވިދިވިދިގެން ފަސް ބައްޔާއި ސިޓީ ކުރިމަތިލިއިރު ދާދި ފަހުން އެ ކުލަބުން ވަނީ ގާޑިއޯލާއާއެކު ވެފައިވާ އެއްބަސްވުން އިތުރު ދެއަހަރަށް އިތުރުކޮށްފައެވެ. ގާޑިއޯލާއަކީ ސިޓީގެ ތާރީހުގައި އެ ކުލަބުގެ އެންމެ ކާމިޔާބު ކޯޗެވެ. އޭގެ ތެރޭގައި 6 ޕްރިމިއަރ ލީގު އަދި 1 ޗެމްޕިއަންސް ލީގު ހިމެނެއެވެ. އޮކްޓޫބަރު މަހު 26 ވަނަ ދުވަހުގެ ފަހުން ސިޓީ މޮޅުވެފައި ނުވާއިރު އެ ކުލަބުގެ ކުޅުންތެރިން ވަނީ ގާޑިއޯލާ މެދު ހިތްނުތަނަވަސްކަން އުފެދިފައެވެ. އަދި މިވަގުތަށް އެ ކުލަބަށް އޮތް ހައްލަކީ ގާޑިއޯލާ ނޫން އެހެން ކޯޗަކާއި ކުލަބު ހަވާލުކުރުންކަން ގިނަ ސަޕޯޓަރުން ދެކެއެވެ.