2025 ވަނަ ދިރާސީ އަހަރު ގްރޭޑް 1 އަށް ދަރިވަރުން ވެއްދުމުގެ މުއްދަތު ހަމަވުމުގެ ކުރިން ފޯމް ހުށަހެޅުމަށް އެޑިއުކޭޝަން މިނިސްޓްރީން އިލްތިމާސްކޮށްފިއެވެ.
މިނިސްޓްރީން ބުނެފައިވާ ގޮތުގައި މާލޭ ސަރަޙައްދުގެ ސަރުކާރު ސްކޫލުތަކުގެ ގްރޭޑް 1 އަށް ދަރިވަރުން ވެއްދުމަށް ހުޅުވާލާފައިވާ މުއްދަތުގައި ގިނަ ޢަދަދެއްގެ ދަރިވަރުން ވަނީ ފޯމް ހުށަހަޅާފައެވެ. އެހެން ނަމަވެސް، ފޯމް ހުށަހެޅުމުގެ މުއްދަތު ހަމަވާން ބާކީ 2 ދުވަހަށް ވެފައިވާއިރު، މަދު ޢަދަދެއްގެ ދަރިވަރުންގެ އެޕްލިކޭޝަން ފޯމްތައް ލިބިފައިނުވާކަމަށް މިނިސްޓްރީން ބުނެއެވެ.
މިނިސްޓްރީން ބުނީ ފޯމް ހުށަހެޅުމުގެ ދެވަނަ ފުރުޞަތަކަށް ހުޅުވާލަން ޖެހޭ ޙާލަތެއް މެދުވެރިވެއްޖެނަމަ، އެ ކުދިންނަށް ޖާގަ ދެވޭނީ ފުރަތަމަ ފޯމް ހުށަހެޅި ކުދިންނަށް ޖާގަދިނުމަށް ފަހުގައި ކަމަށެވެ. މި ޙާލަތުގައި އެ ކުދިންނާ އެއް ޢާއިލާއެއްގެ ކުދިން އުޅޭ ސްކޫލުތަކުން ޖާގަ ނުލިބުމުގެ ފުރުޞަތު ބޮޑުވާނެ ކަމަށްވެސް މިނިސްޓްރީން ބުންޏެވެ.
Advertisement
ދަރިވަރުން ސްކޫލަށް ވެއްދުމުގެ މަސައްކަތް ހަލުވިކަމާއެކު ކުރިއަށް ގެންދިއުމަށްޓަކައި، ސުންގަނޑިއަށް ޚާއްސަ ސަމާލުކަމެއް ދީގެން، މާލޭ ސްކޫލުތަކުގެ ގްރޭޑް 1 އަށް ދަރިވަރުން ވައްދަން ޖެހޭ ބެލެނިވެރީން، ވީހާވެސް އަވަހަށް އެޕްލިކޭޝަންތައް ހުށަހެޅުއްވުމަށް މިނިސްޓްރީން ވަނީ އިލްތިމާސްކޮށްފައެވެ.
ފޯމް ހުށަހެޅުމުގެ ސުންގަޑި: 15 ނޮވެންބަރު 2024
ފޯމް ހުށަހެޅުމުގެ ލިންކް: https://myoffice.moe.gov.mv/forms/id/2
