ރައީސުލްޖުމްހޫރިއްޔާ ޑރ. މުހައްމަދު މުއިއްޒު، އަޒަރުބައިޖާނުގެ ބަކޫގައި މިހާރު ކުރިއަށްދާ ކޮޕް29 ސަމިޓުގެ ތެރެއިން ނޭޕާލްގެ ރައީސް ރާމްޗަންދްރަ ޕައުޑެލް އާއި ބައްދަލުކުރައްވައިފިއެވެ.
ނޭޕާލްގެ ރައީސް ރާމަޗަންދްރަން ޕޯދެލްއާއެކު ބޭއްވި ބައްދަލުކުރެއްވުމުގައި ރައީސް މުއިއްޒު ވަނީ ދެޤައުމުގެ ދެމެދު އޮތް ގާތް ގުޅުމުގެ މައްޗަށް އަލިއަޅުއްވާލައްވާފައެވެ. އަދި ޞިއްޙީ ދާއިރާއިން ދެޤައުމުގެ މެދުގައި އޮތް ގުޅުން އިތުރަށް ބަދަހިކުރުމާއި ގުޅޭގޮތުންވެސް ދެ ބޭފުޅުން ވަނީ މަޝްވަރާކުރައްވާފައެވެ.
President H.E. Dr @MMuizzu met with the Right Honourable Ramchandra Paudel, President of Nepal, on the sidelines of #COP29. The two leaders discussed strengthening bilateral cooperation and advancing shared goals towards sustainable development. #MaldivesAtCOP29 #COP29 pic.twitter.com/e2rK5Xz6Tp
Advertisement
?t=wibUrxmZV6c_VqTbtEFo4A&s=19
ކޮންފަރެންސް އޮފް ދަ ޕާޓީޒް (ކޮޕް29) އަކީ އދ. ގެ ފްރޭމްވޯކް ކޮންވެންޝަން އޮން ކްލައިމެޓް ޗޭންޖް (ޔޫއެންއެފްސީސީސީ)ގެ ދަށުން ބާއްވާ މުހިންމު ބައްދަލުވުމެކެވެ. މި ސަމިޓުގައި ބައިވެރިވެވަޑައިގަތުމަށް ރައީސް މުޢިއްޒު ވަނީ އަޒަރުބައިޖާނަށް ވަޑައިގެންފައެވެ. އޭގެ ކުރިން، ރައީސް ޑރ. މުޢިއްޒު ވަނީ ސައުދީ އަރަބިއްޔާގެ ވެރިރަށް ރިޔާޟުގައި ބޭއްވުނު ޖޮއިންޓް އަރަބް-އިސްލާމިކް ސަމިޓުގައި ބައިވެރިވެވަޑައިގެން ތަޤްރީރު ކުރައްވާފައެވެ. އަދި އެ ދަތުރުފުޅުގައި ސައުދީ ފަންޑު ފޯ ޑިވެލޮޕްމަންޓްގެ ސީއީއޯ ޞުލްޠާން ބިން ޢަބްދުއްރަޙްމާން އަލް މަރްޝަދާވެސް ބައްދަލުކުރައްވާފައިވެއެވެ.
