ހަކަތައިގެ ޚަރަދު ކުޑަ، ފިނިކުރުމުގެ ޓެކްނޮލޮޖީތަކަށް އިސްކަންދިނުމަށް އެންވަޔަރަމަންޓް މިނިސްޓްރީގެ ޑެޕިއުޓީ މިނިސްޓަރ އަޙްމަދު ނިޒާމް ގޮވާލައްވައިފިއެވެ.
ނިޒާމް މިފަދައިން ގޮވާލެއްވީ ބެންކޮކްގައި ކުރިއަށްދާ ކޯޕް13އެމްއޯޕީ36 ގެ މަތީ ފެންވަރުގެ ބައްދަލުވުމުގައި ވާހަކަދައްކަވަމުންނެވެ.
މި ބައްދަލުވުމުގައި ވާހަކަދައްކަވަމުން ނިޒާމް ވަނީ ހަކަތައިގެ ޚަރަދު ކުޑަ، ފިނިކުރުމުގެ ޓެކްނޮލޮޖީތަކަށް އިސްކަންދިނުމަށާއި، ދިވެހިރާއްޖެ ފަދަ ޤައުމުތަކުގެ ބޭނުންތައް ދެނެގަނެ، އެއާ އެއްގޮތަށް ލައިފްސައިކަލް ރެފްރިޖަރަންޓް މެނޭޖްމަންޓް އުސޫލުތައް ގެންގުޅުމަށް ގޮވާލައްވާފައެވެ.
Advertisement
މި ބައްދަލުވުމަކީ އޯޒޯން ފަށަލަ ހިމާޔަތްކުރުމަށް ބާއްވާ މުހިންމު ބައްދަލުވުމެކެވެ. މި ބައްދަލުވުމުގައި ނިޒާމް ފާހަގަކުރެއްވި ގޮތުގައި، ދިވެހިރާއްޖެ ފަދަ ކުދި ޖަޒީރާ ޤައުމުތަކުގައި ފިނިކުރުމުގެ ޓެކްނޮލޮޖީތައް ބޭނުންކުރުމުގައި ދިމާވާ ގޮންޖެހުންތަކަށް ޚާއްޞަ ސަމާލުކަމެއް ދޭންޖެހޭ ކަމަށް ވިދާޅުވިއެވެ.
އޯޒޯން ފަށަލައަށް ގެއްލުން ދޭ ގޭސްތައް މަދުކުރުމަށް ކުރެވޭ މަސައްކަތްތަކުގައި ދިވެހިރާއްޖެއިން އަބަދުވެސް އިސް ދައުރެއް އަދާކުރަމުން އަންނަކަން ނިޒާމް ފާހަގަކުރެއްވިއެވެ. އަދި މި މަސައްކަތުގައި ބައިނަލްއަޤްވާމީ މުޖުތަމަޢުގެ އެހީތެރިކަމާއި އެއްބާރުލުން މުހިންމުކަން ވެސް ނިޒާމް ފާހަގަކުރެއްވިއެވެ.
މި ބައްދަލުވުމުގައި ނިޒާމް ވަނީ އޯޒޯން ފަށަލަ ހިމާޔަތްކުރުމަށް ކުރެވޭ މަސައްކަތްތަކުގައި ދިވެހިރާއްޖެއިން އަދާކުރާ ދައުރު ފާހަގަކޮށް، ބައިނަލްއަޤްވާމީ ފެންވަރުގައި ދިވެހިރާއްޖޭގެ އަޑު އިއްވާލައްވާފައެވެ.
