އަނިޔގައި ހުރި އޮޑެގާޑް ނެތީސް ރޭ ވެސް އާސެނަލް ބަލިވީއެވެ. ޔުއެފާ ޗެމްޕިއަންސް ލީގުގައި ސެން ސީރޯގައި ރޭ ކުޅުނު މެޗުން އިންޓަ އަތުން ބަލިވީ 1-0 އިން ނެވެ. ރަށުން ބޭރުގައި ފަހަކަށް އައިސް ކުޅޭ މެޗުތަކުގައި ލަނޑު ނުޖެހޭކަން ފާހަގަ ކުރެވެއެވެ. އާސެނަލްގެ އެޓޭކިންގެ ފަރިތަކަން ނެތްއިރު ޕޮސިޝަން ޑޮމިނޭޓްކޮށް ފުރުސަތުތައް އުފެއްދި ނަމަވެސް އާސެނަލްގެ އެޓޭކިން ކުޅުމުގައި އުފެއްދުންތެރިކަން ނެތެވެ. މޮޅަށް ކުޅުނަސް ގޯލެއް ނުޖެހެއެވެ. 

އާސެނަލްގެ ފޯވާޑް ލައިނަށްވެސް ބައެއްފަހަރު އަރައިގެން ކުޅޭ އެޑްވާންސް މިޑްފިލްޑަރު މާޓިން އޮޑެގާޑް ނެތުމުން ޓީމު އޮތީ ސަކާ އާއި ގެބްރިއަލް މާޓިނެލީ އަށް ބަރޯސާވެފައެވެ. ނަމަވެސް ސެންޓަރ މިޑްފިލްޑަރު ކައިހަވާޓްޒް އަކަށްވެސް ގޯލެއް ޖެހޭ ފަދަ ފުރުސަތެއް ބުކާޔޯ ސަކާއަށް ދީގެންވެސް ނަތީޖާ އަނބުރާ ނުލެވުނެވެ. 

ފުރަތަމަ ހާފުގައި މިލާންގެ ގޯލްކީޕަރު ޔާން ސޮމާ އާސެނަލްގެ މިކެލް މެރީނޯއަށް ފައުލް ކުރުމުން ޕެނަލްޓީއަކަށް އެޕީލް ކުރިއެވެ. ނަމަވެސް ވީއޭއާރް ބެލުމަށްފަހު ރެފްރީ ނިންމީ އެއީ ހުރަސްވި ބޯޅަ ދިފާޢުުރަން އުޅުނު ވަގުތު ކީޕަރުގެ އަތް އާސެނަލްގެ ކުޅުންތެރިޔާގެ ބޮލުގައި ޖެހުނީ ކަމަށެވެ. 

ރެފްރީގެ މި ނިންމުމާއިމެދު އާސެނަލްގެ އޮފިޝަލުން ހިތްހަމަނުޖެހި ޝަކުވާވެސް ކުރިއެވެ. ކޯޗު އާޓެޓާއަށް ވެސް އަދި ފުޓުބޯޅަ ދަންނަ އެންމެންވެސް އެކަމަކާ ދެބަހެއް ނުވާނެއެވެ. ނަމަވެސް ރެފްރީ ނިންމީ މިލާން އަށް ރަނގަޅު ގޮތެވެ.

ރޭގެ މެޗުގައި ރެފްރީންގެ ފަރާތުން ކަންތައްތައް ނިންމުމުގައި އެހާ ބެލެންސް ކޮށް ޑިސިޝަން ނުނަގާ ކަމަށް މީޑީއާ ރިޕޯޓުތަކުން ފާޙަގަ ކުރެއެވެ. ސަބަބަކީ އާސެނަލްއަށް ޕެނަލްޓީ ނުދީ، އެކްސިޑެންޓަކުން މިކެލް މެރީނޯގެ އަތުގައި ޖެހުނު ބޯޅައަށް އިންޓައަށް ޕެނަލްޓީއެއް ދީފައިވާތީއެވެ..

އާސެނަލް ޗެމްޕިއަންސް ލީގުގެ ރޭހުގައި އޮތީ 7 ޕޮއިންޓާއެކު 12 ވަނައިގައެވެ. އޮޑެގާޑް އަޔަސް، ޗެމްޕިއަންސް ލީގުގައި އާސެނަލްގެ ކުރިމަގު އަލިކޮށް ފެންނާކަށް ނެތެވެ. އާސެނަލް އަށް މި ލީގުގައި ދެން އޮތީ ޗެލްސީއާ ދެކޮޅަށް ނުކުންނަ މެޗެވެ. އެއޯ މިމަހުގެ 10 ވަނަ ދުވަހުއެވެ.