ދިރާސީ އާ އަހަރު އޭޕްރިލްގައި ފެށުމަށް 2025ގެ އެކަޑެމިކް ކަލަންޑަރު ނެރެފި.އެވެ.
އެޑިއުކޭޝަން މިނިސްޓްރީން އިއްޔެ ނެރުނު 2025 ވަނަ އަހަރުގެ އެކަޑެމިކް ކަލަންޑަރުގައިވާ ގޮތުން، ދިރާސީ އާ އަހަރު ފެށުން 6 އޭޕްރިލްގައި އޮންނާނެއެވެ. މިއީ ރައީސް މުޙައްމަދު މުޢިއްޒުގެ ރިޔާސީ ވަޢުދާއި އެއްގޮތަށް، ދިރާސީ އާ އަހަރު ފެށޭ ދުވަހާއި ބޮޑު ޗުއްޓީގެ ދުވަސްވަރު ބަދަލުކުރުމަށް ސަރުކާރުން އަޅާ ފިޔަވަޅުތަކުގެ ތެރެއިން އެޅޭ ފިޔަވަޅެކެވެ.
ކަލަންޑަރުގައިވާ ގޮތުން، 2025 ވަނަ އަހަރުގެ ފުރަތަމަ ޓާމް ކުރިއަށްދާނީ 6 އޭޕްރީލް އިން 24 ޖުލައިއަށެވެ. ފުރަތަމަ ޓާމްގެ ޓެސްޓުތައް އޮންނާނީ ޖުލައި 5 އިން 19 އަށެވެ. ދެވަނަ ޓާމްގެ ކިޔެވުން ފަށާނީ 10 އޯގަސްޓުގައެވެ. އަދި ނިންމާނީ 25 ޑިސެމްބަރުގައެވެ. ދެވަނަ ޓާމްގެ ޓެސްޓުތައް އޮންނާނީ ޑިސެމްބަރު 6 އިން 20 އަށެވެ.
Advertisement
މި ބަދަލާއި ގުޅިގެން، 2025 ވަނަ އަހަރުގެ ބޮޑު ޗުއްޓީ ލިބޭނީ ޑިސެމްބަރު މަހުގައެވެ. އަދި 2026 ވަނަ އަހަރުން ފެށިގެން، ރައީސް މުޢިއްޒުގެ ވަޢުދާއި އެއްގޮތަށް، ދިރާސީ އާ އަހަރު ފަށާނީ ޖެނުއަރީ މަހުގައެވެ. ކަލަންޑަރުގައިވާ ގޮތުން 2026 ވަނަ އަހަރުގެ ދިރާސީ އާ އަހަރު ފަށާނީ މަސްދުވަހުގެ ޗުއްޓީއަކަށް ފަހު 27 ޖެނުއަރީ 2026 ގައެވެ.
މި ބަދަލަކީ ދަރިވަރުންނާއި ބެލެނިވެރިންނަށް ގެނެވޭ މުހިންމު ބަދަލެއް ކަމަށް އެޑިއުކޭޝަން މިނިސްޓްރީން ބުނެއެވެ. އަދި މި ބަދަލާ ގުޅިގެން ސްކޫލްތަކުގެ ކިޔެވުމުގެ ކަންކަން ރާވައި ހިންގުމަށް އިތުރު މަޢުލޫމާތު ދެމުން ގެންދާނެ ކަމަށްވެސް އެ މިނިސްޓްރީން ބުނެފައިވެއެވެ.
