އަނިޔާއިން އެނބުރި އައިސް ނުވަ ވަނަ މިނެޓުގައި ޖެހި ލަނޑާއެކު ބުކަޔޯ ސާކާ ވަނީ ރޭ އެމިރޭޓްސްގައި އާސެނަލަށް އަވަސް ލީޑެއް ނަގައިދީފައެވެ. މިއީ ޕްރިމިއަރ ލީގުގައި އޭނާ ޖެހި 50 ވަނަ ގޯލެވެ.

އުއްމީދީ ފެށުމެއް ކުޅުނު ނަމަވެސް އާސެނަލްއަށް ތިން ޕޮއިންޓް ވެސް ކަށަވަރު ނުކުރެވުނުއިރު، ލިވަޕޫލް ވަނީ ފަހަތުން ދެ ފަހަރެއްގެ މަތިން އައިސް ގަނާސްއާއި އަރާ ހަމަކޮށްފައެވެ.

ސާކާގެ ގޯލަށް ނުވަ މިނެޓް ފަހުން ވާޖިލް ވެން ޑައިކް ނަތީޖާ ހަމަހަމަ ކުރިއިރު، ދެވަނަ ހާފުގެ ކުރީކޮޅު މިކެލް މެރީނޯ އާސެނަލްގެ ލީޑު އަލުން ހޯދައިދިން ނަމަވެސް، މެޗުގެ 81 ވަނަ މިނެޓުގައި މުހައްމަދު ސަލާހު ފޮނުވާލި ހަމަލާއަކުން އިތުރު އެއްވަރުކޮށްދީ ނަތީޖާ 2-2 އަށް ބަދަލުކުރިއެވެ.

އާސެނަލްގެ ޑިފެންސް ވަރަށް ބޮޑަށް ބަލިކަށިވެ، ސަސްޕެންޝަނާއި އަނިޔާގެ ސަބަބުން މުހިއްމު ކުޅުންތެރިން ކަމަށްވާ ވިލިއަމް ސަލީބާ އާއި ރިކާޑޯ ކަލަފިއޯރީ ރޭ ނުކުޅެއެވެ. ސަލީބާ ހުރީ ސަސްޕެންޝަނުގައެވެ. އޮޑެގާޑް ހުރީ އަނިޔާގައެވެ. 

ޙާލަތު އިތުރަށް ގޯސްވީ މެޗުގެ ތެރޭގައި ގެބްރިއަލް މަގަލައިސް އާއި ޔުރިއެން ޓިމްބާ އަށް އަނިޔާވުމުން ކޯޗު މިކެލް އާޓެޓާ އަށް ބެކްލައިން ބަދަލުކުރަން މަޖުބޫރުވުމުންނެވެ.

މެޗާއި މެދު ވިސްނާލަމުން އާސެނަލްއަށް ލިބުނު ފުރުސަތުތަކާ މެދު އާޓެޓާ ވަނީ ފުރަތަމަ ހާފުގައި އާސެނަލްގެ އަށް ފައިދާ ނަގައި ނުދެވުނު ކަމަށް ބުނެފަ އެވެ. ނަމަވެސް ސްކޮޑުގެ އަނިޔާގެ ދަތިތަކުގެ ސަބަބުން ލީގުގައި ޓީމުގެ ކުރިމަގާއިމެދު ހުރަހެއް އެބައޮތް ކަމަށް މީޑިއާތަކުން ދައްކާ ވާހަކަތައް އޭނާ ދޮގުކުރެއެވެ.

އާސެނަލްއަށް އޮތީ ލީގުގެ 3 ވަނައިގައެވެ. އެއްވަނައިގައި އޮތް ސިޓީއާއި ފަސްޕޮއިންޓުގެ ފަރަޤު އެބައޮތެވެ.