އަނިޔާގައި ހުރި ބުކާޔޯ ސާކާ އަށް އާސެނަލް އާއި ލިވަޕޫލް ކުޅޭ މެޗަށް ފިޓްވުމުގެ އުންމީދު އެބައޮތް ކަމަށް ރިޕޯޓްތައް ބުނެފިއެވެ. އާސެނަލް އަށް ދެން އެންމެ އަވަހަށް އޮތީ ޕްރިމިއަރ ލީގުގައި އާދީއްތަ ދުވަހު ލިވަޕޫލާ ދެކޮޅަށް ކުޅޭ މެޗެވެ.
އާސެނަލްގެ ވިންގާ މި ހަފްތާ ބަންދަށް ތައްޔާރުވުމަށް މަސައްކަތް ކުރަމުން އަންނައިރު، އޭނާ އުންމީދު ކުރަނީ ފުރިހަމަ ތަމްރީނުތަކަށް އެނބުރި އައުމަށް ކަމަށް ވެސް ރިޕޯޓްތައް ބުނެއެވެ. އެހެންކަމުން އެއީ އާސެނަލްއަށް މިހާރު ކުރިމަތިވެފައިވާ އަނިޔާގެ ދަތިކަމުގެ ތެރޭގައި ލިބޭ ބޮޑު ކުރިއެރުމެކެވެ.
ޗެމްޕިއަންސް ލީގުގައި ބޯންމައުތު އަތުން 2-0 އިން އާސެނަލް ބަލިވި މެޗާއި ޑޮނެޓްސްކް އާއި ކުޅެ ހަނި ގޮތަކަށް މޮޅުވި މެޗުގައިވެސް ސަކާ އަށް ނުކުޅެވުނީ އިންގްލެންޑަށް ކުޅެމުން ދަނިކޮށް މަސްގަނޑަށް ލިބުނު އަނިޔާއަކާ ގުޅިގެންނެވެ.
Advertisement
މިކެލް އާޓެޓާ އަށް ކުޑަ ހިތްހަމަޖެހުމެއް ލިބުނު ކަމުގައި ވިޔަސް އަދިވެސް މާޓިން އޮޑެގާޑް އަނިޔާއިން ރަނގަޅުބެ ކުޅުމަށް އެނބުރި އައުމުގެ ފުރުސަތު ކުޑަ ކަމަށް ވެއެވެ.
ލިވަޕޫލާ ދެކޮޅަށް އާސެނަލްއަށް އުނދަގޫ މަސައްކަތެއް ކުރިމަތިވެފައިވާއިރު އެޓީމު އޮތީ ކުޅުނު 8 މެޗުން ލިބުނު 17 ޕޮއިންޓާއެކު ލީގުގެ ތިންވަނައިގައެވެ. އެއްވަނައިގައި ލިވަޕޫލް އޮތީ އަށްމެޗުން 21 ޕޮއިންޓް ހޯދައިގެންނެވެ. ޕްރިމިއަރ ލީގުގެ ދެވަނައިގައި އޮތީ 20 ޕޮއިންޓާއެކު މެންޗެސްޓަރ ސިޓީއެވެ.
