ސިނަމާލެ ބްރިޖް ޕާކު ރަސްމީކޮށް ހުޅުވައިފިއެވެ. މި ޚާއްޞަ މުނާސަބަތުގައި ބޭއްވުނު ރަސްމިއްޔާތު ޝަރަފުވެރިކޮށްދެއްވީ ޗައިނާގެ ސަފީރު އެކްސަލަންސީ ވަންގް ލިޝިން އަދި އިމާރާތްކުރުމާއި ބިނާވެށި ތަރައްޤީކުރުމުގެ ވަޒީރު ޑރ. ޢަބްދުﷲ މުއްޠަލިބެވެ.

އިމާރާތްކުރުމާއި ބިނާރާ ބެހޭ ވުޒާރާއިން ބުނިގޮތުގައި ޗައިނާ-ދިވެހިރާއްޖޭގެ ރައްޓެހިކަމުގެ ބްރިޖްގެ ހަނދާނީ ނިޝާނެއްގެ ގޮތުގައި ތަރައްޤީކުރެވިފައިވާ މި ޕާކަކީ، ދެ ޤައުމުގެ ދެމެދުގައި އޮތް ދުރު ޒަމާންވީ ގުޅުމުގެ ރަމްޒެއް ކަމަށެވެ. މި ޕާކު ހުޅުވުމުގެ ރަސްމިއްޔާތުގައި ކުޑަކުދިން މުހިންމު ދައުރެއް އަދާކޮށްފައިވާކަމަށް ވުޒާއިން ބުންޏެވެ.

މި ރަސްމިއްޔާތުގައި ވާހަކަ ދައްކަވަމުން ޑރ. މުއްޠަލިބް ވިދާޅުވީ، "މި ހަނދާނީ ހަވީރުގައި ގައި ކުޑަކުދިންނާއެކު ވަގުތު ހޭދަކުރެވުނުކަމީ ޚާއްޞަ އުފަލެކެވެ. މި ޕާކަކީ ދެ ޤައުމުގެ ދެމެދުގައި އޮތް ގުޅުމުގެ ދިގު ތާރީޚުގެ ހެއްކެކެވެ." އަދި އިތުރަށް ވިދާޅުވީ، ސިނަމާލެ ބްރިޖަކީ އިޖްތިމާޢީ އަދި އިޤްތިޞާދީ ކުރިއެރުމަށް މަގުފަހިކޮށްދީ، މުޖުތަމަޢުތައް ގުޅުވާލައިދޭ މުހިންމު ވަސީލަތެއް ކަމަށެވެ.

ރަސްމިއްޔާތު ނިމުމާއެކު، މި ޕާކު ޢާންމުންނަށް ހުޅުވާލެވިފައިވާ ކަމަށް އިމާރާތްކުރުމާއި ބިނާވެށި ތަރައްޤީކުރުމުގެ ވުޒާރާއިން ހާމަކުރިއެވެ. މާލޭގެ އާއިލާތަކަށާއި ކުޑަކުދިންނަށް މުނިފޫހިފިލުވުމަށް ލިބިގެންދިޔަ މި އައު ފުރުޞަތަކީ، ޗައިނާ-ދިވެހިރާއްޖޭގެ ރައްޓެހިކަމުގެ އިތުރު ހެއްކެއް ކަމުގައި ވުޒާއިން ބުންޏެވެ.

A memorable evening was spent with children today who played a special role in the inauguration of the monumental Sinamale’ Bridge Park with the Ambassador of the People’s Republic of China, H.E. Wang Lixin, and Minister Dr. Abdulla Muththalib. Following this event, we are also… pic.twitter.com/MGhqzsou0T

— Ministry of Construction and Infrastructure (@MoCImv)

?t=PItHki2VOidp2ijjF5_Irg&s=19

މި ޕާކަކީ މާލޭގެ ރައްޔިތުންނަށް އާ ހިތްހަމަޖެހުމެއް ގެނެސްދޭނެ ތަނެއް ކަމަށްވެސް އުއްމީދު ކުރެވެއެވެ.