ނޭޕާލްގައި ދިމާވި ފެންބޮޑުވުމުގެ ހާދިސާއާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ ޤައުމުގެ ބޮޑުވަޒީރަށް ހަމްދަރުދީގެ މެސެޖެއް ފޮނުއްވައިފިއެވެ.

ނޭޕާލްގައި ކުއްލިއަކަށް ފެންބޮޑުވެ، ބިންގަނޑު ކަނޑައިގެން ދިއުމުގެ ސަބަބުން ލިބުނު ގެއްލުންތަކުގެ ތެރޭގައި ގިނަ އަދަދެއްގެ މީހުން މަރުވެފައިވާކަން ފާހަގަކުރެވެއެވެ. މީގެ އިތުރުން، ބައެއް މީހުން އަދިވެސް ވަނީ ގެއްލިފައެވެ.

ރައީސް މުޢިއްޒު ނޭޕާލްގެ ބޮޑުވަޒީރަށް ފޮނުއްވި މެސެޖުގައި، މި ހާދިސާގައި މަރުވި މީހުންގެ އާއިލާތަކަށް ތައުޒިޔާ ވިދާޅުވިއެވެ. އަދި ގެއްލުނު މީހުން އަވަހަށް ފެނި، އަނިޔާ ލިބުނު ފަރާތްތަކަށް އަވަސް ޝިފާއެއް ލިބުމަށް ދުޢާކުރައްވާކަމަށް ވިދާޅުވިއެވެ.

މީގެއިތުރުން، ރައީސް މުޢިއްޒުގެ މެސެޖުގައި ވިދާޅުވެފައިވަނީ މި ދަތި ދަނޑިވަޅުގައި ދިވެހި ސަރުކާރާއި ދިވެހި ރައްޔިތުން ތިބީ ނޭޕާލްގެ ރައްޔިތުންނާއެކު ކަމަށެވެ.