ރިއަލް މެޑްރިޑްގެ ފޯވަޑް ކިލިއަން އެމްބާޕޭ އަށް އަނިޔާވެ ކުރިޔަށް އޮތް ތިން ހަފްތާގައި އެ ޓީމު ކުޅޭ މެޗުތަކުގައި ގައި އޭނާއަށް ނުކުޅެވޭނެކަމަށް ހަބަރުތައް ބުނެފި އެވެ.

އުމުރުން 25 އަހަރުގެ ފްރާންސްގެ ފޯވާޑު ޕީއެސްޖީ އިން މި ސީޒަނުގައި ރެއާލް މެޑްރިޑާއި ގުޅުނު ގުޅުނު ފަހުން އެމްބާޕޭ އެ ޓީމަށް ކުޅުނު ނުވަ މެޗުގައި ވަނީ 7 ގޯލު ޖަހައިދީފަ އެވެ.

މެޑްރިޑުން ބުދަ ދުވަހު ކަށަވަރުކޮށްދީފައިވާ ގޮތުގައި އެމްބާޕޭގެ “ކަނާތު ފައިގެ ބައިސެޕްސް ފެމޮރިސް އަށް އަނިޔާއެއް”ވެފައި ވެއެވެ. އޮކްޓޯބަރު މަހުގެ މެދުތެރެއާ ހަމައަށް އޭނާ ކުޅުން ހުއްޓާލާނެ ކަމަށް ބެލެވެ އެވެ.

އަނިޔާގެ ސަބަބުން އޮކްޓޯބަރު މަހުގެ ދެވަނަ ދުވަހު ޗެމްޕިއަންސް ލީގުގައި މެޑްރިޑުން ލިލްއަށް ކުރާ ދަތުރަށް ވެސް އެމްބާޕޭ ނުކުޅެވޭނެ ކަމަށް ބެލެވެ އެވެ.

އަނެއްކޮޅުން މެޑްރިޑުން މި ސީޒަނުގައި އަނިޔާގެ ގިނަ ކަންބޮޑުވުންތަކާ ކުރިމަތިލާން ޖެހިފައިވާއިރު، ބްރަހިމް ޑިއާޒް އާއި ޑާނީ ސެބަލޯސް ވެސް ވަނީ އަނިޔާއާއި ކުރިމަތިލާން ޖެހިފައެވެ. ނަމަވެސް އެޑުއާޑޯ ކަމަވިންގާ ބުރާސްފަތި ދުވަހު ފުރަތަމަ ޓީމުގެ ފަރިތަކުރުންތަކަށް އެނބުރި އައުމަށްފަހު މެޑްރިޑް ޑާބީއަށް ކުޅެވޭނެ ކަމަށް ބެލެވެ އެވެ.

މި ސީޒަނުގައި ގިނަ މެޗުތަކެއް ކުޅެން ޖެހޭ ގޮތަށް ފުޓްބޯޅަ ކަލަންޑަރު އެކުލަވާލާފައިވާތީ ކްލަބްތަކުގެ އިތުރުން ކޯޗުންނާއި ކުޅުންތެރިން ވަނީ އެކަމުގެ އެކަމުގެ ސަބަބުން ނޭދެވޭ އަސަރުތަކެއް ކުރާނެކަމަށް ބުނެފައެވެ. ލަލީގާގައި ރިއަލް މެޑްރިޑް މިހާތަނަށް ކުޅުނު ހަތް މެޗުން 17 ޕޮއިންޓާއެކު ދެވަނައިގައި އޮތްއިރު ކުޅުނު ހަތް މެޗުން މޮޅުވެ ބާސާ އޮތީ އެއްވަނައިގައެވެ.