ފަންނީއްޔާތާއި އެއްވަރަށް ރައްޔިތުންގެ ހޭލުންތެރިކަންވެސް އިތުރުކުރަން ޖެހޭކަމަށް ޒުުވާނުން ބާރުވެރިކުރުމާއި، މަޢުލޫމާތާއި ފަންނާ ބެހޭ ވަޒީރު އިބްރާހީމް ވަޙީދު (އަސްވާޑު) ވިދާޅުވެފައ ވަޒީރު މިހެން ވިދާޅުވީ، ރާއްޖެއިން މިވަގުތު އދ. ކުރަމުންދާ މަސައްކަތްތަކާއި ގުޅޭގޮތުން ސަރުކާރުގެ މީޑިއާއިން ގެނެސްދެމުންދާ "ދިވެހިންގެ އަޑު ދުނިޔެއަށް" ކަވެރޭޖުގައި ވާހަކަ ދައްކަވަމުންނެވެ.
އަސްވާޑު ވިދާޅުވީ، ރާއްޖޭގައި ޒުވާނުންގެ ކުރިއެރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްސަ އިސްކަމެއް ދެއްވައި މަސައްކަތްޕުޅުތަކެއް ފަށްޓަވާފައިވާކަމަށެވެ. މިގޮތުން ފަންނީއްޔާތުގެ ދައިރާއަށް ޝައުޤުވެރިވާ ޒުވާނުން ހޯދައި އެ ފަރާތްތަކުގެ ޚިޔާލާއި މަޝްވަރާ ހޯދުމަކީ ރައީސުލްޖުމްހޫރިއްޔާ ހަވާލުކުރެއްވި އެންމެ މުހިންމު މަސައްކަތްކަމަށް އަސްވާޑު ފާހަގަކުރެއްވިއެވެ.
އަސްވާޑު އިތުރަށް ވިދާޅުވީ، ޒުވާނުންނަށް ކުރިމަތިވެފައިވާ ގޮންޖެހުންތައް ހައްލުކުރުމަށާއި ފަހި ފުރުޞަތުތަކެއް ހޯދައިދިނުމަށް ސަރުކާރުން މަސައްކަތް ކުރަމުންދާ ކަމަށެވެ. މިގޮތުން ފަންނުވެރިންނަށް ޚާއްސަ ލޯންތަކާއި އެޕްރެންޓިސްޝިޕް ޕްރޮގްރާމްތައް ރޭވި ކުރިއަށްދާކަން ވެސް ފާހަގަކުރެއްވިއެވެ.
Advertisement
އަދުގެ ދުނިޔޭގައި ފަންނީއްޔާތުގެ ދާއިރާ ވަރަށް ބޮޑަށް ކުރިއަރައި ގޮސްފައިވާއިރު، ޚަބަރުތަކުގެ ސައްޙަކަން ދެނެގަތުމުގައި ރާއްޖޭގެ ރައްޔިތުންނަށްވެސް ގޮންޖެހުންތައް ހުރިކަން އަސްވާޑު ފާހަގަކުރައްވާފަ ވާއިރު، މިކަމަށް ހައްލެއް ހޯދުމުގެ ގޮތުން، މިނިސްޓްރީގެ ޒިންމާއެއްގެ ގޮތުގައި މިސްއިންފޮމޭޝަންއާއި ފޭކް ނިއުސްއަށް ރައްޔިތުން ހޭލުންތެރިކުރުމުގެ މަސައްކަތްތައް ކުރިއަށްދާކަމަށް އަސްވާޑު ވިދާޅުވިއެވެ.
"ޓެކްނޮލޮޖީއާއި އެއްވަރަށް ރައްޔިތުންގެ ހޭލުންތެރިކަން އިތުރުކުރަންޖެހޭ. އަދި މި އުފައްދާ ތަކެތި އެއީ މުޖްތަމަޢަށް އޭގެ ރަނގަޅު އަސަރެއް ކުރާ ތަކެތި އެ އުފައްދާ މީހުންވެސް ބަލަންޖެހޭ" އަސްވާޑު ވިދާޅުވިއެވެ.
އަސްވާޑު އިތުރަށް ވިދާޅުވީ، ދޮގު ޚަބަރުތަކުގެ ސަބަބުން ރައްޔިތުންނަށް ވަރަށް ބޮޑަށް ޙަޤީޤަތް އޮޅި އޭގެ އަސަރު ދިރިއުޅުމަށް ކޮށްފައި ހުރި ކަމަށެވެ. މިކަމަށް ހައްލެއް ހޯދުމުގެ ގޮތުން، މިއަހަރު ނިމުމުގެ ކުރިން ރާއްޖޭގެ އެކިކަންކޮޅުތަކުގައި މިކަމަށް ހޭލުންތެރިކަން އިތުރުކުރުމުގެ މަސައްކަތްތަކެއް ކުރިއަށް ގެންދިއުމަށް ހަމަޖެހިފައިވާކަން ފާހަގަކުރެއްވިއެވެ.
ޒުވާނުންގެ ފަންނީ ހުނަރުތައް ތަރައްޤީކުރުމާއެކު، މަޢުލޫމާތުގެ ސައްޙަކަން ދެނެގަތުމުގެ ޤާބިލުކަން އިތުރުކުރުމަށް ސަރުކާރުން ޚާއްސަ އަހައްމިއްޔަތުކަމެއް ދޭކަމަށާއި މިކަމަކީ މިހާރުގެ ޑިޖިޓަލް ޒަމާނުގައި ވަރަށް މުހިންމު ކަމެއްކަން އަސްވާޑު ފާހަގަކުރެއްވިއެވެ.
ސަރުކާރުގެ މި މަސައްކަތްތަކުގެ ސަބަބުން، ކުރިއަށް އޮތް ތަނުގައި ރާއްޖޭގެ ޒުވާނުންނަށް އިތުރު ފުރުސަތުތަކެއް ލިބި، އަދި މަޢުލޫމާތުގެ ސައްޙަކަން ދެނެގަތުމުގެ ހުނަރު އިތުރުވެގެންދާނެކަމަށް އުންމީދު ކުރެވެއެވެ. މިއީ ޤައުމުގެ ތަރައްޤީއަށާއި، ރައްޔިތުންގެ ހޭލުންތެރިކަން އިތުރުކުރުމަށް އެޅޭ މުހިންމު ފިޔަވަޅެއް ކަމުގައި ލަފާކުރެވެއެވެ.
