ބ. އަތޮޅު ދޮންފަނުގައި މިއަދު ވޯލްޑް މަންޓާ ޑޭ ފާހަގަކުރުމަށް ނިންމައިފިއެވެ.
މޫސުމީ ބަދަލުތަކާއި ތިމާވެށްޓާ ބެހޭ ވުޒާރާއިން މަޢުލޫމާތު ދެއްވިގޮތުގައި މި ހަރަކާތް އޮންނާނީ މިއަދު ހަވީރު ދޮންފަނުގެ ތިން ރުއް ޕާކު ސަރަޙައްދުގައެވެ.
މި ހަރަކާތް އިންތިޒާމުކުރަނީ ބ. އަތޮޅު އަދި ދޮންފަނު ކައުންސިލުން ކަމަށް ވުޒާރާއިން ވިދާޅުވިއެވެ. މި ހަރަކާތުގައި ރަށުގެ ރައްޔިތުންނާއި ސްކޫލް ކުދިން ބައިވެރިވާނެ ކަމަށް އެ ވުޒާރާއިން ވަނީ މަޢުލޫމާތު ދީފައެވެ.
Advertisement
ހަރަކާތުގެ ތެރޭގައި މަންޓާ ރޭގެ މުހިންމުކަމާ ބެހޭ މަޢުލޫމާތު ދިނުމާއި، ކުރެހުމުގެ މުބާރާތް އަދި ކުޅިވަރު ހަރަކާތްތައް ހިމެނޭ ކަމަށް ވުޒާރާއިން ބުންޏެވެ. އަދި މިފަދަ ދުވަސްތައް ފާހަގަކުރުމަކީ ތިމާވެށި ރައްކާތެރިކުރުމުގެ މުހިންމުކަން ދަސްކޮށްދިނުމަށް މުހިންމު ކަމެއްކަމުގައި ވުޒާރާއިން ބުންޏެވެ.
ވޯލްޑް މަންޓާ ޑޭއަކީ ކޮންމެ އަހަރެއްގެ ސެޕްޓެމްބަރު 17 ގައި ފާހަގަކުރާ ދުވަހެކެވެ. މި ދުވަސް ފާހަގަކުރުމުގެ މަޤްޞަދަކީ މަންޓާ ރޭގެ މުހިންމުކަމާއި އެ ދިރުން ޙިމާޔަތްކުރުމުގެ މުހިންމުކަން ހާމަކޮށްދިނުމެވެ.
