ކޮންގޯގެ ވެރިރަށް ކިންޝާސާގެ އަސްކަރީ ކޯޓަކުން އިއްޔެ ބަޣާވާތެއް ކުރަން އުޅުނު 37 މީހެއްގެ މައްޗަށް މަރުގެ ހުކުމް އިއްވައިފިއެވެ.
މި ހުކުމް އިއްވާފައިވަނީ އޯޕަން އެއާ ސެޝަނެއްގައި ލައިވްކޮށް ބްރޯޑްކާސްޓް ކޮށްގެންނެވެ. ދައުވާ ލިބޭ މީހުންގެ ތެރެއިން ގިނައީ ކޮންގޯގެ މީހުން ކަމަށާއި އޭގެ ތެރޭގައި އިނގިރޭސި، ބެލްޖިއަމް އަދި ކެނެޑާ މީހެއް ވެސް ހިމެނޭ ކަމަކަމަށް ޚަބަރުތައް ބުނެއެވެ.
އެ މީހުންގެ މައްޗަށް ސާބިތުވީ ބަޣާވާތް ކުރަން އުޅުމުގެ ދައުވާ އާއި ޓެރަރިޒަމްގެ ދައުވާ އާއި ޖިނާއީ ކުށް ހިންގުމުގެ ދައުވާ އެވެ. ދައުވާ ލިބޭ ފަރާތްތަކަށް އެ ނިންމުން އިސްތިއުނާފު ކުރުމަށް ފަސް ދުވަހުގެ މުއްދަތެއް އެގައުމުގެ ގާނޫނު އަސާސީން ލިބެއެވެ.
މެއި މަހު, ރިޔާސީ ގަނޑުވަރު ހިސާރުކޮށް ސަރުކާރު ވައްޓާލަން އުޅުނު މި ބަޣާވާތުގައި އެމެރިކާގެ 3 މީހެއްގެ މައްޗަށް ވެސް ވަނީ ކުށް ސާބިތު ވެފައެވެ.
މި ބަޣާވާތް ހުއްޓުވާލީ އެކަމުގައި އެންމެ އިސްކޮށް އުޅުނު މީހާގެ ގަޔަށް ބަޑިޖަހައި މަރައިލުމަށްފަހުގައެވެ. އެކަމުގެ ތެރޭގައި ޖުމްލަ 6 މީހުން މަރުވިއެވެ.
