ޔަމަނުގައި ހިނގަމުންދާ ދާޚިލީ ހަނގުރާމަ ފާއިތުވި 24 ގަޑިއިރުގެ ތެރޭގައި ވަރަށް ބޮޑަށް ވަރުގަދަވެ، އަސްކަރީ ކުރިމަތިލުންތައް ވަނީ އާ ހިސާބަކަށް ގޮސްފައެވެ. ޔަމަނުގެ ރަސްމީ އަސްކަރިއްޔާއިން ހާމަކުރި ގޮތުގައި ފާއިތުވި އެއް ދުވަސް ތެރޭގައި އެކަނިވެސް ޖުމްލަ 474 އަސްކަރީ ހަމަލާ ބަދަލުކުރެވިފައިވެއެވެ.
މި ވަރުގަދަ ހަމަލާތަކުގައި ހޫތީ ހަނގުރާމަވެރިންނަށް ބޮޑެތި ގެއްލުންތަކެއް ވަނީ ލިބިފައެވެ. އަސްކަރިއްޔާގެ ރިޕޯޓްތައް ބުނާގޮތުން މި ހަމަލާތަކުގައި ހޫތީންގެ 1,540 ހަނގުރާމަވެރިން ވަނީ މަރުވެ ނުވަތަ ބޮޑަަށް ޒަޚަމްވެފައެވެ. މިއީ ފަހުގެ ތާރީޚެއްގައި އެއް ދުވަސް ތެރޭގައި ހޫތީންނަށް މިހާ ބޮޑު ގެއްލުމެއް ލިބުނު ފުރަތަމަ ފަހަރެވެ.
މީގެ އިތުރުން، މި ހަމަަނުޖެހުންތަކާ ގުޅިގެން ސައުދީ އަރަބިއްޔާގެ ދެކުނުގެ ސަރަހައްދުތަކަށް އަމާޒުކޮށް ހޫތީން ފޮނުވާލި ތިން ބެލިސްޓިކް މިސައިލެއް ސައުދީ އިސްވެ އޮންނަ އަސްކަރީ ކޯލިޝަނުން ވަނީ ވައިގެ ތެރޭގައި ނައްތާލާފައެވެ.
