އިސްރާއީލުން ހިފާފައިވާ ހުޅަނގު އައްސޭރީގައި ފަލަސްޠީނުގެ ރައްޔިތުންނާ ދެކޮޅަށް ހިންގަމުންދާ އަނިޔާވެރިކަމުގައި އެމެރިކާގެ އެހީތެރިކަން ބޭނުންކުރާ ގޮތް ބެލުމަށް ގޮވާލައި ޑިމޮކްރެޓުން އެމެރިކާގެ ސެނެޓުގައި ކުއްލި ވޯޓެއް ނަގައިފިއެވެ. އެމެރިކާގެ ސެނެޓުގައި ނެގި ކުއްލި ވޯޓު 51 ވޯޓު 47 ވޯޓުން ވަނީ ބޭރުކޮށްލާފައެވެ.
މޭރީލޭންޑްގެ ޑިމޮކްރެޓިކް ސެނެޓަރު ކްރިސް ވެން ހޮލެން އިސްވެ ހުށަހެޅުއްވި މި ޤަރާރު ފާސްވާ ގޮތް ނުވީ ސެނެޓުގައި ތިއްބަވާ ކުރީގެ ރައީސް ޖޯ ބައިޑަންގެ ރިޕަބްލިކަން ޕާޓީން ގަރާރާއި ދެކޮޅަށް ވޯޓު ދިނުމުންނެވެ.
ބައިޑަން އަށް ތާއީދު ކުރައްވާ ހުރިހާ މެންބަރުން ވޯޓު ދެއްވީ މި ޤަރާރާ ދެކޮޅަށެވެ. މި ބޭފުޅުން ވިދާޅުވާ ގޮތުގައި މިއީ އެމެރިކާގެ ގާތް އެކުވެރިއެއް ކަމަށްވާ އިސްރާއީލް އެކަހެރިކޮށްލަން ޑިމޮކްރެޓުން ހިންގާ ސިޔާސީ އުކުޅެކެވެ. ނަމަވެސް، ރިޕަބްލިކަން ސެނެޓަރު ރޭންޑް ޕޯލް ވަނީ ޤަރާރަށް ތާއީދުކުރައްވާ ވޯޓު ދެއްވާފައެވެ.
Advertisement
ޑިމޮކްރެޓިކް ސެނެޓަރު ޖޯން ފެޓަރމަން ވަނީ އޭނާގެ ޕާޓީގެ ނިންމުމާ ޚިލާފަށް ރިޕަބްލިކަން މެންބަރުންނާ ބައިވެރިވެ ޤަރާރާ ދެކޮޅަށް ވޯޓު ދެއްވާފައެވެ.
މި ޤަރާރު ބޭރުކޮށްލުމާ ގުޅިގެން ސެނެޓަރު ކްރިސް ވެން ހޮލެން ވަނީ ބައިޑަންގެ ސަރުކާރަށާއި އިސްރާއީލަށް ވަރަށް ބޮޑަށް ފާޑުވިދާޅުވެފައެވެ. އޭނާ ވިދާޅުވި ގޮތުގައި ހުޅަނގު އައްސޭރީގައި އެމެރިކާގެ 9 ރައްޔިތަކު މަރުވެ، އެތައް ބަޔަކު ނުހައްގުން ހައްޔަރުކޮށްފައިވާއިރުވެސް، މި ޤަރާރު ބޭރުކޮށްލުމަކީ އިންސާނީ ޙައްޤުތަކަށްވުރެ ސިޔާސީ މަޞްލަޙަތު އިސްކުރުމެވެ. އަދި އެމެރިކާގެ ހަތިޔާރު ބޭނުންކޮށްގެން ހިންގާ ލޭއޮހޮރުވުންތަކަށް ޖަވާބުދާރީކުރުވުން ހުއްޓުވަން ސެނެޓުން މަސައްކަތްކޮށްފައިވާ ކަމަށް އޭނާ ތުހުމަތުކުރެއްވިއެވެ.
