ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ބައިނަލްއަޤްވާމީ ދަތުރުތައް ކުރާ ފަސިންޖަރުން، ފްލައިޓް ފުރުމުގެ މަދުވެގެން ތިން ގަޑިއިރު ކުރިން އެއާޕޯޓަށް ހާޒިރުވުމަށް އެ އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އިލްތިމާސްކޮށްފިއެވެ.
އެމްއޭސީއެލް އިން މިއަދު ނެރުނު އެޑްވައިޒަރީއެއްގައި ބުނެފައިވަނީ، މިއީ ދަތުރުވެރިން ގިނަ، ބާރުބޮޑު ދުވަސްވަރަކަށް ވާތީ ޗެކްއިން ވުމުގައާއި ސެކިއުރިޓީ ކްލިއަރެންސް ހޯދުމުގައި ދިމާވެދާނެ ލަސްތައް ކުޑަކުރުމަށްޓަކައި ކުރި އިލްތިމާސެއް ކަމަށެވެ. މީގެއިތުރުން، އެއާޕޯޓަށް އައުމުގެ ކުރިން އިމިގްރޭޝަން ފޯމުތަކާއި، އިލެކްޓްރޯނިކް ޓްރެވަލް އޮތޮރައިޒޭޝަން (އީޓީއޭ) އަދި ފުރިހަމަކުރަންޖެހޭ ސިއްޙީ ޑެކްލަރޭޝަން ފޯމުތައް ފުރިހަމަކުރުމަށް ވެސް ފަސިންޖަރުންގެ ކިބައިން ވަނީ އެދިފައެވެ.
Advertisement
އެމްއޭސީއެލް އިން ވަނީ މިފަދަ ބާރުބޮޑު ދުވަސްވަރު ދަތުރުވެރިންގެ ފަރާތުން ލިބެމުންދާ އެއްބާރުލުމަށް ޝުކުރު އަދާކޮށްފައެވެ.
