ޓްރަމްޕުގެ މަގުބޫލުކަން %33 އަށް ދަށަށް!

އެމެރިކާގެ ރައީސް ޑޮނަލްޑް ޓްރަމްޕްގެ މަގުބޫލުކަން %33އަށް ދަށަށް ގޮސްފައިވާ ކަމަށް ހިޔާލު ހޯދުމުގެ ވޯޓަކުން ދައްކައިފި އެވެ..

މި އަހަރުގެ ޖެނުއަރީ މަހު ދައުރު ފެށުނުއިރު %47 ގައި ހުރި ޓްރަމްޕްގެ ތާއީދު މިހާ ބޮޑަށް ވެއްޓެން މެދުވެރިވީ އީރާނާ އެކު ކުރިއަށްދާ ހަނގުރާމައިގެ ސަބަބުންނެވެ. މި ހަނގުރާމައިގެ ސަބަބުން ދުނިޔޭގެ ބާޒާރުގައި ތެލުގެ އަގު އުފުލި، އެމެރިކާގެ މާކެޓްތަކުގައި ތަކެތީގެ އަގު ވަނީ އިންތިހާއަށް ބޮޑުވެފަ އެވެ. މި ސާވޭގެ ނަތީޖާއާއެކު، ޓްރަމްޕްގެ ސިޔާސަތުތަކާ މެދު އެމެރިކާގެ ރައްޔިތުންގެ މެދުގައި އޮތް ނުތަނަވަސްކަން މިވަނީ ވަރަށް ބޮޑަށް ހާމަވެފަ އެވެ.

ރޮއިޓާސް/އިޕްސޮސް ޕޯލް އިން ދައްކާ ގޮތުގައި އެމެރިކާގެ 64 ޕަސެންޓް މީހުން މިހާރު ޓްރަމްޕްގެ މަސައްކަތްތަކާ މެދު ހިތްހަމައެއްނުޖެހެ އެވެ.

މި ނަތީޖާއާ ގުޅިގެން ކުރިއަށް އޮތް އިންތިޚާބުގައި ރިޕަބްލިކަން ޕާޓީއަށް ކޮންގްރެސްގެ މެޖޯރިޓީ ގެއްލުމުގެ ބިރު ބޮޑުވެފައިވާ ކަމަށް ސިޔާސީ ދިރާސާކުރާ ފަރާތްތަކުން ފާހަގަކުރެ އެވެ.