އުތުރު އެމެރިކާގައި މިހާރު ކުރިއަށްދާ ފީފާ ވޯލްޑް ކަޕްގައި، ޕެނަލްޓީ އޭރިއާ ބޭރުން ޖަހާ ގޯލްތަކުގެ ނިސްބަތް، އެންމެ ފަހުން ގަތަރުގައި ބޭއްވި މުބާރާތާ އަޅާބަލާއިރު ދެގުނަ އިތުރުވެފައިވާ ކަމަށް ފީފާ އިން ހާމަކޮށްފިއެވެ.
ފީފާގެ ޓެކްނިކަލް ސްޓަޑީ ގްރޫޕް (ޓީއެސްޖީ) އިން ހޮނިހިރު ދުވަހު ނެރުނު ރިޕޯޓެއްގައި ބުނެފައިވަނީ، މިފަހަރުގެ ވޯލްޑް ކަޕުގައި އޭރިއާ ބޭރުން ޖަހާ ގޯލްތައް ދެގުނަ އިތުރު
ފޮނުވާލި ހަމަލާތަކުން ކާމިޔާބުކޮށްފައިވާ ގޯލްތައް ކަމަށެވެ. މިއީ 2022 ވަނަ އަހަރުގެ މުބާރާތުގައި މި ނިސްބަތް ހުރި 8 އިންސައްތައާ އަޅާބަލާއިރު ބޮޑު ކުރިއެރުމެކެވެ.
Advertisement
މި ބަދަލު އަންނަން މެދުވެރިވި ސަބަބާ ގުޅޭގޮތުން ފުޓްބޯޅަ މާހިރުން ބުނަނީ، ގިނަ ޓީމުތަކުން މިހާރު "ލޯ ބްލޮކް" އެއްގައި ޑިފެންސް ކުރަމުންދާތީ، އިދިކޮޅު ޓީމުތަކަށް އޭރިއާ ތެރެއަށް ވަންނަން އުނދަގޫވެ، ދުރުން ހަމަލާ އުފައްދަން މަޖުބޫރުވަނީ ކަމަށެވެ.
ފީފާގެ ޓީއެސްޖީގެ މެންބަރެއް ކަމަށްވާ ޔާގެން ކްލިންސްމަން ބުނި ގޮތުގައި، އޭރިއާ ތެރޭގައި ގިނަ އަދަދެއްގެ ކުޅުންތެރިން ތިބުމަކީ ދުރުން ފޮނުވާލާ ބޯޅަތައް ބަލަން ގޯލްކީޕަރުންނަށް އުނދަގޫވާ ކަމެކެވެ. "އޭރިއާ ތެރޭގައާއި ބޭރުގައި އަށް ނުވަ ކުޅުންތެރިން އެބަތިބޭ. އެހެންވުމުން ދުރުން ފޮނުވާލާ ހަމަލާތަކަށް މިއީ ރަނގަޅު ފުރުސަތަކަށްވޭ،" އެމެރިކާގެ ކުރީގެ ކޯޗު ނޫސްވެރިންނަށް މައުލޫމާތު ދެމުން ބުންޏެވެ.
ފީފާގެ ޗީފް އޮފް ފުޓްބޯޅަ ޑިވެލޮޕްމަންޓް، އާސެން ވެންގާ ވެސް ވަނީ ކުޅުންތެރިން ފޮނުވާލާ ހަމަލާތަކުގެ ފެންވަރަށް ތައުރީފުކޮށްފައެވެ. އޭނާ ބުނި ގޮތުގައި މި މުބާރާތުގައި ބޯޅަ ދަތުރުކުރާ ދުވެލި ހަލުވިވެފައި، ޖަހާ ކޮންމެ ޝޮޓަކީ ރޮކެޓެއް ފަދަ ބާރު ހަމަލާތަކެކެވެ.
މި މުބާރާތުގައި އޭރިއާ ބޭރުން ޖަހާ ހަމަލާތަކަށް އެންމެ ބޮޑަށް ބަރޯސާވެފައިވާ އެއް ޓީމަކީ އާޖެންޓީނާއެވެ. އެގޮތުން އެޓީމުން ވަނީ އޭރިއާ ބޭރުން ފޮނުވާލި ހަމަލާތަކުން ފަސް ގޯލް ކާމިޔާބުކޮށްފައެވެ. މީގެ ތެރޭގައި ސެމީ ފައިނަލްގައި އިންގްލެންޑާ ދެކޮޅަށް ކުޅުނު މެޗުގެ 85 ވަނަ މިނެޓުގައި އެންޒޯ ފެނާންޑޭޒް ކާމިޔާބުކުރި ހިތްގައިމު ގޯލު ފާހަގަކޮށްލެވެއެވެ.
