Thoonu ehchakun hamalaadhee Gemanafushi gai bidheysee aku zahamkollaifi | Khulaasaa

ތޫނު އެއްޗަކުން ހަމަލާދީ ގެމަނަފުށީގައި ބިދޭސީއަކު ޒަހަމްކޮށްލައިފި

އައިޝަތު ރުވާ ރިފްޢަތު

56 ދުވަސް ކުރިން - 31 މެއި 2026 00:39

ގއ. ގެމަނަފުށި. / ފޮޓޯ: މޯލްޑިވްސް ވާޗުއަލް ޓުއާ

ޚުލާސާ

ބިދޭސީ މީހާ ކަރުގެ ފަސް ތަނަކަށް ހަމަލާ ދީފައިވާ ކަމަށް މައުލޫމާތު ލިބޭ. އަނިޔާ ލިބުނު ބިދޭސީ މީހާ އިތުރު ފަރުވާއަށް ގއ. ވިލިނގިލި ހޮސްޕިޓަލަށް ގެންދިޔުމުގެ މަސައްކަތް ދަނީ ކުރަމުން. މި މައްސަލައިގައި ފުލުހުންގެ ބަހެއް އަދި ނުލިބޭ.

ގއ. ގެމަނަފުށީގައި ތޫނު އެއްޗަކުން ހަމަލާދީ ބިދޭސީއަކު ވަރަށް ބޮޑަށް ޒަހަމްކޮށްލައިފިއެވެ.

މިރޭ ހިނގި މި ހާދިސާގައި ޒަހަމްވި ބިދޭސީ މީހާއަށް ލިބުނު އަނިޔާތަކުގެ ސީރިއަސްކަމުން، އިތުރު ފަރުވާއަށް އެ އަތޮޅު ވިލިނގިލީގައި ހުންނަ ގއ. އަތޮޅު ހޮސްޕިޓަލަށް ގެންދިއުމުގެ މަސައްކަތް މިހާރު ދަނީ ކުރަމުންނެވެ.

މައުލޫމާތު ލިބިފައިވާ ގޮތުގައި، މި ހަމަލާގައި އެ ބިދޭސީ މީހާގެ ކަރުގެ ފަސް ތަނަކަށް ވަނީ ތޫނު އެއްޗަކުން ހަމަލާދީ ޒަހަމްކޮށްލާފައެވެ. މި ހާދިސާ ހިނގި ސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ.

މި ނުރައްކާތެރި ހާދިސާއާ ގުޅޭގޮތުން ފުލުހުންގެ ފަރާތުން ރަސްމީކޮށް އަދި ވަކި އެއްޗެއް ހާމަކޮށްފައެއް ނުވެއެވެ. އަދި މި ހަމަލާ ދޭން މެދުވެރިވި ސަބަބެއް ނުވަތަ މިކަމާ ގުޅިގެން މީހަކު ހައްޔަރުކުރި ކަމެއްވެސް އަދި ސާފެއް ނުވެއެވެ.

ގއ. ގެމަނަފުށި މާރާމާރީ