ޖަރުމަނުގައި 11 މީހުންނަށް ވަޅިން ހަމަލާދިން މައްސަލާގައި ސީރިއާ މީހަކު ހައްޔަރުކޮށްފިއެވެ.

ހައްޔަރުކުރެވުނު މީހާއަކީ 26 އަހަރުގެ ސީރިއާގެ ހިޖުރަވެރިއެއް ކަމަށް ބެލެވޭ ކަމަށް ފުލުހުން މަޢުލޫމާތު ދީފައިވެއެވެ. އަދި ހަމަލާދިން މީހާ އަމިއްލައަށް ފުލުހުންނަށް ހާޒިރުވި ކަމަށްވެސް ބުނެވެއެވެ.

ފާހަގަ ކޮށްލަން ޖެހޭ ކަމަކީ މިމައްސަލައާއި ގުޅިގެން މީގެކުރިން 15 އަހަރުގެ ކުއްޖަކު ހައްޔަރުކުރުމަށްފަހު ފަހުން ދޫކޮށްލިއެވެ. ނަމަވެސް، ދެވަނަ ފަހަރަށް އޭނާ ހައްޔަރުކުރި ކަމުގެ ރިޕޯޓެއް އަދި ނުލިބެއެވެ.

މި ހާދިސާއާ ގުޅިގެން ތަޙުޤީޤު ކުރިއަށްދާ ކަމަށާއި، އިތުރު މަޢުލޫމާތު ލިބުމުން ހާމަކުރާނެ ކަމަށް ޖަރުމަނުގެ ފުލުހުން ބުނެފައިވެއެވެ. މި ހަމަލާއަކީ ޖަރުމަނުގައި ފަހަކަށް އައިސް ހިނގި އެންމެ ނުރައްކާތެރި ހަމަލާތަކުގެ ތެރެއިން އެއް ހަމަލާ ކަމަށް ބެލެވެއެވެ.