މި ގައުމުން ދެކޭ ކުރިއެރުންތައް ގެނެސްދިނީ ވެސް، އަދި ދިވެހީން ކުރާ އުންމީދުތައް ހަގީގަތަކަށް ހަދައިދެވޭނީ ވެސް ހީވާގި މަސައްކަތްތެރީންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ބައިނަލްއަގުވާމީ މަސައްކަތްތެރިންގެ ދުވަހާ ގުޅިގެން ދިވެހި ހުރިހާ މަސައްކަތްތެރިންނަށް ތަހުނިޔާ އަރިސްކުރައްވައި ރައީސް އެކްސްގައި ކުރެއްވި ޕީސްޓެއްގައި ވިދާޅުވީ، ކޮންމެ ދާއިރާއެއްގައި ބުރަ އުފުލާ ކޮންމެ މަސައްކަތްތެރިއަކީ ވެސް ޝަރަފްވެރިއެއް ކަމަށެވެ.
ރައީސް ވިދާޅުވީ، އަމިއްލަ ނަފްސާއި އާއިލާގެ ފުދުންތެރިކަމަށްޓަކައި، އަދި ގައުމުގެ ލާބައާއި މަންފާއަށްޓަކައި ކެނޑިނޭޅި ބުރަ މަސައްކަތްކުރާ ކޮންމެ ދިވެއްސަކީ، މި ގައުމުން ހިތުގެ އަޑިން އަގުވަޒަންކުރާ ހިދުމަތްތެރިއެއް ކަމަށެވެ.
ބައިނަލްއަގުވާމީ މަސައްކަތްތެރިންގެ ދުވަހުގެ ތަހުނިޔާ ހުރިހާ ދިވެހި މަސައްކަތްތެރިންނަށް އަރިސްކުރައްވަމުން، އަރިސްކުރައްވަމުން، ދިވެހިރާއްޖެ މިއަދު ދެކޭ ކުރިއެރުންތައް ގައުމަށް ގެނެސްދިނީ ވެސް ހީވާގި މަސައްކަތްތެރިންކަން ގަބޫލުކުރައްވާ ކަމަށާއި، މާދަމާ ދިވެހީން ކުރާ އުންމީދުތައް ހަގީގަތަކަށް ހަދައިދެވޭނީ ވެސް ހަމަ އެ ހީވާގި މަސައްކަތްތެރިންނަށް ކަމަށް ރައީސް ވިދާޅުވި އެވެ.
ރައީސް ވަނީ ގައުމު ބިނާކުރުމުގައި ދިވެހި ހުރިހާ މަސައްކަތްތެރިން ކޮށްދެމުން ގެންދާ ހިދުމަތްތަކަށް ހިތުގެ އިހްލާސްތެރިކަމާ އެކު ޝުކުރު ދަންނަވާފަ އެވެ.
