ރައީސުލްޖުމްހޫރިއްޔާގެ ޒުވާނުންގެ އިރުޝާދު މަޖިލީސް (ޕްރެޒިޑެންޝަލް ޔޫތު އެޑްވައިޒަރީ ބޯޑު) އިން އިންތިޒާމުކޮށްގެން، ޒުވާނުންނަށް ހާއްސަ ބާބަކިއުގައި ވީހާވެސް ގިނަ ޒުވާނުން ބައިވެރިވުމަކީ އެ ބޯޑުގެ ވަރަށް ބޮޑު އެދުމެކެވެ.
މި ބާބަކިއު ބޭއްވުމަށް ހަމަޖެހިފައިވަނީ މާދަމާ، 26 ވަނަ ދުވަހުގެ ހަވީރު 5:30 އިން ފެށިގެން އިރުއޮއްސި 7:00 އާ ހަމައަށް ހުޅުމާލޭ ދެވަނަ ފިޔަވަހީގެ ބާބަކިއު ސަރަހައްދުގައެވެ.
Advertisement
މި ހަރަކާތަކީ "ނޭޝަނަލް ޔޫތު ކޮންފަރެންސް 2025" ގައި ޒުވާނުންގެ ފަރާތުން ސީދާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ހުށަހެޅި މުހިންމު ހުށަހެޅުމަކަށް އަމަލީ ސިފަ އަންނާތީ، އެކަމުގެ އުފަލުގައި ބާއްވާ ހަރަކާތެކެވެ. އެއީ ރައްޔިތުންގެ މަޖިލީހުގެ ގޮނޑިތަކުގެ ތެރެއިން ވަކި އިންސައްތައެއް ޒުވާނުންނަށް ހާއްސަކުރުމަށް ނިންމި ނިންމުން ފާހަގަކުރުމުގެ ގޮތުން ބާއްވާ ބާބަކިއުއެކެވެ.
ޒުވާނުންގެ ބައިވެރިވުން ސިޔާސީ މައިދާނުގައި އިތުރުކުރުމަށް ސަރުކާރުން ނިންމި މި ނިންމުމަކީ ޒުވާނުންގެ އަޑު އުފުލައި، އެކަންކަން ތަންފީޒުކުރުމަށް ކުރަމުންދާ މަސައްކަތުގެ ތެރެއިން ލިބުނު ބޮޑު ކުރިއެރުމެއް ކަމަށް ޔޫތު ބޯޑުން ފާހަގަކުރެ އެވެ. އެހެންކަމުން، މި ތާރީހީ ކާމިޔާބީ ފާހަގަކުރުމަށް ބާއްވާ މި ބާބަކިއުއަށް ވީހާވެސް ގިނަ ޒުވާނުން ވަޑައިގެން ބައިވެރިވުމަކީ އެ ބޯޑުގެ ވަރަށް ބޮޑު އިލްތިމާސެކެވެ.
