ފަސްއަހަރު ވަންދެން ހަނގުރާމަ ކުރިޔަސް އީރާނުގެ ހަތިޔާރު ހުސް ނުވާނެ: ތެހެރާން

އިސްރާއީލާއި އެމެރިކާ ސިފައިން އީރާނަށް އަމާޒުކޮށް 15،000 އަށް ވުރެ ގިނަ ހަމަލާ ދީފި ކަމަށާއި، މި ހަމަލާ ތަކުގެ ސަބަބުން އީރާނުގެ އަސްކަރީ ގާބިލްކަން ވަރަށް ބޮޑަށް ދަށްވެފައިވާ ކަމަށް އެމެރިކާގެ ހަނގުރާމައިގެ ވަޒީރު ޕީޓް ހެގްސެތު ވިދާޅުވެއްޖެއެވެ.

ޕެންޓަގަން އިން ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ހެގްސެތު ވިދާޅުވީ ހަނގުރާމަ ގެށި ފަހުން އީރާނުގެ މިސައިލް ވޮލިއުމް %90 ދަށްވެފައިވާ ކަމަށާއި ސީދާ ޓާގެޓަށް ހަމަލާދޭ ޑްރޯން ބޭނުންކުރުން %95 ދަށްވެފައިވާ ކަމަށާއި އިތުރު ހަތިޔާރު އުފެއްދުމުގެ ގާބިލްކަމެއް ތެހެރާނުގައި މިހާރު ނެތް ކަމަށެވެ.

ނަމަވެސް އީރާނުނުން ބުނަނީ އެ މީހުންގެ އަތުގައި ހަތިޔާރުތައް ފަސްއަހަރު ވަންދެން ހަނގުރާމަ ކުރިޔަސް ހުސްނުވާ ވަރަށް އެބަހުރި ކަމަށެވެ.

ހެގްސެތު ވިދާޅުވީ ހުރްމުޒްގެ ތެރެއިން ތެޔޮ ޓޭންކަރުތައް އެސްކޯޓް ކުރަން އެމެރިކާ އޮތީ ތައްޔާރަށެވެ.