ބައިނަލްއަޤްވާމީ ޤުދުސް ދުވަސް އީރާނުން މިއަދު ފާހަގަ ކުރަމުން ގެންދަނީ ބޮމުގެ ޙަމަލާ ތަކުގެ ތެރޭގައި ކަމަށް އެ ޤައުމުން ބުނެފިއެވެ.
ޤުދުސް ދުވަހަކީ ފަލަސްތީނުގެ ޙައްޤުގައި ކޮންމެ ރަމަޟާން މަހުގެ ފަހު ހުކުރު ދުވަހު ކުރިޔަށް ގެންދާ ބޮޑު ޙަރަކާތެކެވެ. މިދުވަސް އެންމެ ފުރަތަމަ ފާހަގަ ކުރަން ފެށީ އީރާނުގެ އިންގިލާބަށް ފަހު 1979 ވަނަ އަހަރު ރޫހުالله ޚުމޭނީއެވެ.
މިވަގުތު އީރާނުގެ އެތައް ހާސް ބަޔަކު ދަނީ އީރާނާއި ފަލަސްތީނުގެ ދިދަ ހިފައިގެން މަގުމައްޗަށް އެއްވެ، ޝިއާރުތައް ފާޅުކުރަމުންނެވެ.
މިހާރު އީރާނުގައި ކުރިޔަށްދާ ބޮޑު ހިނގާލުމުގެ ތެރޭގައި އީރާނުގެ ދީނީ އިލްމުވެރިން ދަނީ ތަގުރީރު ކުރައްވައި، ޤުދުސް އަކީ ނަޖިހުން ޠާހިރުވެފައިވާ މިނިވަން ތަނަކަށް ހެދުމަށް އީރާނުން ކުރަމުން ގެންދާ މަސައްކަތާއި މުސްލިމު ޤައުމުތައް ގުޅުމަށް ގޮވާލާފައެވެ.
މި ވަގުތު ވެސް އީރާނުން އެ ބުނާ “އެޕްސްޓީންގެ ގްރޫޕުން” ގެންދަނީ ތެހެރާނަށް ޙަމަލާ ދެމުންނެވެ.
