އިންޑޮނީޝިއާގެ އުތުރު ސުމަޓްރާ ސަރަޙައްދަށް މިއަދު ހެނދުނު 6.1 ގެ ބާރުގަދަ ބިންހެލުމެއް އައިސްފައިވާ ކަމަށް މޫސުމާ ބެހޭ ޤައުމީ އިދާރާ (މެޓް އޮފީސް) އިން ހާމަކޮށްފިއެވެ.
މެޓް އޮފީހުން މަޢުލޫމާތު ދިން ގޮތުގައި، މި ބިންހެލުން އައިސްފައިވަނީ މިއަދު ހެނދުނު 09:56 އެހާކަންހާއިރުއެވެ. މި ހާދިސާ ހިނގާފައިވަނީ މާލެއާ ގާތްގަނޑަކަށް 2,581 ކިލޯމީޓަރު ދުރުމިނުގައެވެ.
އެ އިދާރާއިން އިތުރަށް ބުނި ގޮތުގައި، މި ބިންހެލުމުގެ ސަބަބުން ދިވެހިރާއްޖެއަށް އެއްވެސް ކަހަލަ ސީދާ ނުރައްކަލެއް ނުވަތަ އަސަރެއް ނުފޯރާނެ އެވެ.
އެންމެ ފަހުން ބިންހެލުމެއް ރާއްޖެއާ ކައިރި ސަރަހައްދަކުން ރިކޯޑުކުރެވިފައިވަނީ 2025 ފެބުރުވަރީ 5 ވަނަ ދުވަހުއެވެ. އެއީ އިންޑޮނޭޝިއާގެ ޖާވާ ސަރަހައްދަށް އައި 6.0 މެގްނިޓިއުޑުގެ ބިންހެލުމެކެވެ. މި ބިންހެލުމުގެ ސަބަބުން ދިވެހިރާއްޖެއަށް އެއްވެސް ސީދާ އަސަރެއް ކޮށްފައެއް ނުވެއެވެ.
