އެމެރިކާ އާއި އިސްރާއީލުން އީރާނަށް ދިން ޓެރަރިސްޓު ޙަމަލާތަކުގެ ރައްދުގައި އީރާނުން ދެމުންދާ ދިފާޢީ ޙަމަލާތަކާއި ދެކޮޅަށް، އިޒުރޭލާއި އެމެރިކާގެ ފަހަތަށް 12 ޤައުމެއް އަރައި މި ހަނގުރާމަައިގައިވާ ކޯލިޝަން 14 ޤައުމަށް ފުޅާ ވެއްޖެއެވެ.

މީގެތެރެއިން ބައެއް ޤައުމުތައް ސީދާގޮތެއްގައި ހަނގުރާމަ އާއި ބައިވެރިވެފައި ވާއިރު އަނެއްބައި ޤައުމުތަކުން މަސައްކަތް ކުރަނީ އީރާނާއި ދެކޮޅަށް ނުސީދާ ގޮތަކަށެވެ.

އިނގިރޭސި ވިލާތުން ވަނީ މި ހަނގުރާމައިގައި ބޭނުން ކުރުމަށް އެމީހުންގެ ހުރިހާ މަރުކަޒެއް އިސްރާއީލާއި އެމެރިކާ ދީފައެވެ.

އަނެއްކޮޅުން ފްރާންސުން ވަނީ މި ހަނގުރާމައިގައި ބައިވެރިވާ ޔޫރަަޕްގެ ޤައުމުތަކުގެ ސިފައިންނަށް އެހީވުމަށް ކަމަށް ބުނެ ނިއުކްލިއާ އިން ދުއްވާ މަތިންދާބޯޓު އުފުލާ މަނަވަރު އިރުމަތީ މެޑިޓެރޭނިއަން ކަނޑަށް ފޮނުވާލާފައެވެ.

^{ފުރާންސުގެ ޗާލްސް ޑި ގޯލް މެދުއިރުމައްޗަށް އައިސް ހަނގުރާމައިގައި ބައިވެރިވެއްޖެ}

ޖަރުމަނާއި ޗެކް ރިޕަބްލިކުން ދަނީ އީރާނާއި ދެކޮޅަށް ޖާސޫސީ މަޢުލޫމާތު ހިއްސާކޮށް އާލާތްތައް ފޯރުކޮށްދެމުންނެވެ.

އުރުދުން އިން ދަނީ އެ މީހުންގެ ވައިގެ ސަރަޙައްދުން ދަތުރުކުރާ އީރާނުގެ މިސައިލްތަކާއި ޑްރޯންތައް ހުއްޓުވުމުގައި އަވަދިނެތި މަސައްކަތް ކުރަމުންނެވެ.

އީރާނަށް ޙަމަލާ ދިނުމަށްޓަކައި ވައިގެ ސަރަޙައްދަށް ވަދެވޭނެ ގޮތް ހަދައިދީފައިވާ ޤައުމުތަކުގެ ތެރޭގައި ބަޚްރެއިން، ޤަޠަރު، ކުވައިތު، ސައުދީ ޢަރަބިއްޔާ، އަދި އެކުވެރި ޢަރަބި ޢިމާރާތް (ޔޫއޭއީ) ހިމެނެއެވެ.

މީގެ އިތުރުން އިޓަލީ އާއި މިޞްރު ފަދަ ޤައުމުތަކުން ދަނީ އީރާނާއި ދެކޮޅަށް ޙަރަކާތްތެރިވާ ސިފައިންނަށް ލޮޖިސްޓިކަލް ސަޕޯޓު ފޯރުކޮށްދެމުންނެވެ.