މެދުކެނޑުމެއްނެރި 47 ހަތަރު އަހަރުގެގެ އަގު ހުރި މަސައްކަތަށް ފަހު މެޓް އޮފީހުގެ ޑެޕިއުޓީ ޑިރެކްޓާ ޖެނެރަލް އަލީ ޝަރީފް ރިޓަޔާ ކުރައްވަން ނިންމަވައިފި އެވެ.
މެދުކެނޑުމެއް ނެތި ދިވެހިރާއްޖޭގެ މެޓް އޮފީހަށް ހިދުމަތް ކުރައްވަމުން ގެންދެވި އަލީ ޝަރީފްގެ ރިޓަޔާކުރައްވަން ނިންމުމާ ގުޅިގެން ޓޫރިޒަމް އެންޑް އެންވާރޮމެންޓް މިނިސްޓަރު ތޯރިގް އިބްރާހީމް ވަނީ އެބޭފުޅާއަށް ބައްދަލު ކުރައްވައިފަ އެވެ. މިބައްދަލު ކުރެއްވުމުގައި މިނިސްޓަރުގެ އިތުރުން މިނިސްޓްރީއާއި މެޓް އޮފީހުގެ ބައެއް އިސްވެރިން ބައިވެރިވެ ވަޑައިގެންނެވި އެވެ.
މި ބައްދަލުވުމުގެ ފޮޓޯ މިދިޔަ ބުރާސްފަތި ދުވަހު މިނިސްޓްރީގެ ސޯޝަލް މީޑިއާގައި ހިއްސާ ކުރަމުން މިނިސްޓްރީން ބުނެފައިވަނީ ރާއްޖޭގެ ރަށްތައް ހިމާޔަތް ކުރުމަށް ޓަކައި އަލީ ޝަރީފް ކުރެއްވި ބުރަ މަސައްކަތަކަށް ތާއަބަދަށް ވެސް ޝުކުރުވެރިވާނެ ކަމަށެވެ.
އަލީ ޝަރީފަކީ މޫސުމާބެހޭ ދާއިރާގައި ފުންނާބު އުސް ބޭފުޅެކެވެ. މެޓް އޮފީހުގައި ހޭދަ ކުރެއްވި ދިގު 47 އަހަރު ތެރޭގައި އަލީ ޝަރީފް ހުންނެވީ މެޓް އޮފީހާއި އެ ދާއިރާއާ ގުޅުން ހުރި ގިނަ ތަޖުރިބާތަކެއް ހޯއްދަވައިގެންނެވެ.
އަލީ ޝަރީފް މިހާރު ހުންނަނެވީ މެޓް އޮފީހުގެ ޑެޕިއުޓީ ޑިރެކްޓާ ޖެނެރަލް އަދި ވެދާ ސާވިސް ޑިވިޝަންގެ ވެރިޔާގެ މަގާމުގައި އެވެ. ރިޓަޔާ ކުރައްވަން ނިންމާފައިވީ ނަމަވެސް ރިޓަޔާވެ ވަޑައިގަންނަވާނީ ސީދާ ކޮން ތާރީހަކުން ކަމެއް އަދި އިއުލާނު ނުކުރައްވަ އެވެ.
