އޮސްޓްރޭލިޔާގެ ސިޑްނީގެ މޫދަށް އެރޭ މީހުންނަށް މިޔަރުތައް ޙަމަލާދޭ މައްސަލަ ބޮޑުވެގެން، ވަގުތީ ގޮތުން ސިޑްނީގެ ބީޗް ބަންދު ކޮށްފިއެވެ.
ފާއިތުވި ދެދުވަސްތެރޭ 4 މީހެއްގެ ގައިގައި މިޔަރު ދަތް އެޅިއިރު އެކެއްގެ ޙާލު ސީރިއަސް ކަމަށް ޚަބަރުތައް ބުނެއެވެ.
ނިއު ސައުތު ވޭލްސް ޕޮލިހުން ބުނީ އޭގެތެރެއިން އެއް ޙަމަލާގައި އުމުރުން 20 އަހަރުގެ ރާޅާއަޅާ މީހެއްގެ ފަޔަށް ސީރިއަސް އަނިޔާތަކެއް ލިބި ފަރުވާ ދެމުންދާ ކަމަށާއި އޭނާގެ ޙާލު ސީރިއަސް ކަމަށެވެ.
އިއްޔެ ޑީވައި ބީޗުގައި ރާޅާ އަޅަން އުޅެނިކޮށް ވެސް މިޔަރެއްގެ ޙަމަލާ އަމާޒުވިއިރު އޭގެ ކުރީ ދުވަހު ވޯކްލޫސްގެ ޝާކް ބީޗުގައި އުމުރުން 12 އަހަރުގެ ކުއްޖަކަށް ވެސް މިޔަރެއް ވަނީ ޙަމަލާ ދީފައެވެ.
އޮސްޓްރޭލިއާގައި 48 ގަޑިއިރުގެ ތެރޭގައި މިޔަރުގެ ޙަމަލާ އާއި ކުރިމަތިލާން ޖެހުނު 4 މީހަކަށް މިހާރު ދަނީ ފަރުވާ ދެމުންނެވެ.
