ރާއްޖޭގެ އަމިއްލަ ކުންފުންޏެއް ކަމަށްވާ ރިސޯޓް ލައިފް އިން މިއަދު ރެކޑެއް ހަދައިފިއެވެ.
ޓޫރިސްޓުން ރާއްޖެ ގެނައުމުގައި އެންމެ ނަން ހިނގާ ޝާޒް ވަލީދު ދާދި ދެންމެއަކު ޓޫރިޒަމް ގްރޫޕްގައި ވިދާޅުވީ މިއަދަކީ ރިސޯޓް ލައިފް އިން މި އަހަރު ފެށުމުގެ ކުރިން ޓާގެޓް ކުރި ވިޔަފާރީގެ އަދަދާއި ހަމަޔަށް ވާސިލްވި ދުވަސް ކަމަށާއި މިއަހަރުގެ ޖެނުއަރީ 1 އިން ފެށިގެން މިހާތަނަށް އެ ކުންފުނީގެ ދިވެހި ބޭންކް އެކައުންޓަށް 101 މިލިއަން ޑޮލަރު ޖަމާވެފައިވާ ކަމަށެވެ.
ޝާޒް ވިދާޅުވި ގޮތުގައި ފަތުރުވެރިކަމުގެ ދާއިރާގެ ތެރެއިން ޓްރެވަލް އެޖެންސީ ނުވަތަ ދަތުރު ރާވާ ހިންގުމުގެ ވިޔަފާރި އަކީ މުދާ ފެންނަން ނެތަސް ވަރަށް ފުޅާ ކުރެވިދާނެ ވިޔަފާރި އެކެވެ. “ސަރުކާރުން މި ވިޔަފާރީގައި ދިވެހިންނަށް ފުރުސަތު ފުޅާ ކޮއްދީފި ނަމަ މި ރާއްޖޭ ގެ ފަތުރުވެރިކަމުގެ ސިނާއަތުގެ އެންމެ ބޮޑު ފައިދާއެއް ދިވެހީންނަށް ލިބޭނެ އެއް ވިޔަފާރިއަކީ މިއީ” ކަމަށް ޝާޒް ވަލީދު ވިދާޅުވިއެވެ.
ފަތުރުވެރިކަމުގެ ވިޔަފާރީގައި ކުރާ މަސައްކަތުން ލިބޭ އާމްދަނީއިން ކޮންމެ އަހަރަކުވެސް އެތައް ބަޔަކު ޢުމްރާގެ އަޅުކަމަށް ފޮނުވާ ޝާޒް ވަލީދު ވިދާޅުވީ އޭނާގެ މަސައްކަތުގައި މާތްރަސްކަލާންގެ ބަރަކާތް ލައްވާ ކަމުގެ އިޙްސާސް ކުރެވޭ ކަމަށެވެ.
ރިސޯޓް ލައިފް އިން މި ކާމިޔާބީ ފާހަގަ ކުރުމަށް ޚާއްޞަ އިވެންޓެއް ބޭއްވުމަށް ވަނީ ހަމަޖެހިފައެވެ.
