މަސްތުވާތަކެތީގެ ބޮޑުންނަށް މަރުގެ އަދަބު ދިނުމަށް މެމްބަރު ޔޫސުފް ނަޝީދު ހުށަހެޅުއްވި އަދި ޖުޑިޝަރީ ކޮމިޓީން މުރާޖައާ ކުރެއްވި ބިލް 65 މެންބަރުންގެ އިއްތިފާގުން ފާސް ކޮށްފިއެވެ.
މީގެ ކުރިން މަސްތުވާތަކެތީގެ ބޮޑުމްމަށް ދޭ އެންމެ ބޮޑު އަދަބަކީ 25 އަހަރުގެ އުމުރު ދުވަހުގެ ޖަލު ހުކުމެކެވެ. އާ ގާނޫނުގައި ވަކި ތިން މައްސަލައެއްގައި މަރުގެ ހުކުމް އިއްވުމުގެ ހުއްދަ ދީފައިވީ ނަމަވެސް މި އަދަބު ދެވޭނީ ސުޕްރީމް ކޯޓުގެ ބެންޗުން އިއްތިފާގު ވާނަމައެވެ.
މަރުގެ އަދަބު ކަނޑައެޅުމަށް ފަނޑިޔާރުންނަށް ބާރު ދެނީ
Advertisement
- ޓްރެފިކް ކުރާ ކެނަބިސް ގައި (މަގުމަތީ ބަހުން ނަމަ ތެޔޮ) 350 ގްރާމް ހުރުން
- ޓްރެފިކް ކުރާ ޑައިމޯފިން (މަގުމަތީ ބަހުން ނަމަ ހަކުރު)ގައި 250 ގްރާމް ހުރުން
- ޖަދުވަލު 1 ގައި ހިމެނޭ މަސްތުވާތަކެތީގައި 100 ގްރާމަށްވުރެ ގިނައިން ހުރުން (މި ލިސްޓުގައި ޕާޓީ ޑުރަގު އެކުލެވޭހެން ޖުމްލަ 139 ބާވަތެއް ހިމެނޭ. އޭގެތެރޭގައި ކޮކެއިން އާއި އަދި ރާއްޖޭގައި މިހާރު ޢާންމުވަމުންދާ ހުރިހާ ބާވަތެއް ވެސް ހިމެނޭ)
މަސްތުވާތަކެތީގެ ވަބާ ފޮހެލުމަށްޓަކައި ގެނައި މި އިސްލާހާއި އެކު ޕެރޯލް އާއި މައާފު ދިނުމުގެ ހުއްދަ އަދި، ޕްރޮސިކިއުޓަރ ޖެނެރަލްގެ އޮފީހާއެކު އިޢުތިރާފުގެ އެއްބަސްވުންތައް ނެހެދޭނެއެވެ.
