ހުކުރު ދުވަހު ދުބާއީގައި އޮތް އެއާ ޝޯގައި އިންޑިއާގެ ވައިގެ ސިފައިން ޓެޖާސް ކޮމްބެޓް ޖެޓް ވެއްޓުނީ ތެޔޮ ލީކުވުމުގެ ސަބަބުން ކަމަށް ބުނާ ވާހަކަތައް އިންޑިއާގެ އަސްކަރިއްޔާއިން ދޮގު ކޮށްފިއެވެ.
45 މިލިއަން އެމެރިކާ ޑޮލަރުގެ މި ޖެޓް ވެއްޓުނު ހާދިސާގައި އޭގައި ހުރި ޕައިލެޓް އަދި އިންޑިއާގެ ވައިގެ ދިފާޢީ ބާރުގެ ވިންގް ކޮމާންޑަރު ނަމްނާޝް ސްޔާލް ވަނީ މަރު ވެފައެވެ.
އިންޑިއާގެ މީޑިއާ އިން ފުރަތަމަ ބުނީ ޖެޓް ވެއްޓުމުގެ ކުރިން އެއިން ތެޔޮ ލީކުވި ކަމަށެވެ. ނަމަވެސް، ޕްރެސް އިންފޮމޭޝަން ބިއުރޯ (ޕީއައިބީ) އިން ބުނީ އެއީ ޑުބާއީގެ ހޫނުމިން މަތިވުމުން ޖެޓުގެ ސިސްޓަމްތަކުން ދޫކުރި ކޮންޑެންސްޑް ވޯޓަރ ކަމަށާއި، މެކޭނިކަލް މައްސަލައެއް ނޫން ކަމަށެވެ.
ދުބާއީގެ އެއާ ޝޯގައި ބައިވެރިވުމަށް އިންޑިއާއިން ތިން ޖެޓް ދިޔައެވެ.
