^{ޑެންމާކުގެ ބޭސް ކުންފުނީގެ ނައިބުރައީސް ޓްރަމްޕުގެ އޮފީސް ތެރެއަށް ވެއްޓޭއިރު ސީކްރެޓް ސާވިސްއިން އޭނާ އަށް އެހީތެރިވަނީ (ވީޑިއޯ ގްރޭބް)}

ދުނިޔޭގެ ނަން މަޝްހޫރު ދެބޭސް ކުންފުނި ކަމަށްވާ އެމެރިކާގެ އެލީ ލިލީ އާއި ޑެންމާކުގެ ނޮވޯ ނޯޑިސްކް އާއި އެކު ރައީސް ޑޮނަލްޑް ޓްރަމްޕް މެދުވެރިވެ ވައިޓް ހައުސްގައި ބޭއްވި ބައްދަލުވުމުގެ ތެރެއިން ޞިއްޙީ ޙާލުކޮޅު ކުއްލިޔަކަށް ދެރަވެ، ނޮވޯ ނޯޑިސްކްގެ ނައިބު ރައީސް ގޯޑަން ފިންޑްލޭ ވެއްޓިއްޖެއެވެ.

މި ބައްދަލުވުމަކީ އެމެރިކާގައި ހަކުރުބައްޔާއި ފަލަވާ ބަލި އިންތިހާ އަށް އިތުރުވާތީވެ، އެފަދަ ބަލިތަކަށް ބޭނުންވާ ބޭހުގެ އަގު 50 ޕަސަންޓަށް ދަށް ކުރުމަށް ބޭއްވި ބައްދަލުވުމެކެވެ.

ޚަބަރުތައް ބުނާ ގޮތުގައި މި ބައްދަލުވުމުގެ ތެރޭގައި ޑެންމާކު ކުންފުނީގެ ނައިބު ރައީސް ކުއްލިޔަކަށް ވެއްޓުމާއި އެކު ސީކްރެޓް ސާވިސްގެ އެޖެންޓުން އޭނާ ވޮޝިންޓަން ޑީސީގެ ހޮސްޕިޓަލަކަށް ގެންދިޔައެވެ.

އޭނާގެ ޙާލު މިހާރު “ސްޓޭބަލް ކަމަށާއި، ޑެންމާކު ކުންފުންޏާއި އެކު ހެދި އެއްބަސްވުމުގެ ސަބަބުން އެމެރިކާގެ އެތައް މިލިއަން ބަޔަކަށް ބޭނުންވާ ފަރުވާ ހޯދުމަށް އެހީތެރިވެދޭނެ ކަމަށް ޓްރަމްޕް ވިދާޅުވިއެވެ.