ސްޕެނިޝް ލަލީގާގައި ވެެލެންސިއާ 0-4 ގެ ނަތީޖާ އިން ބަލިކޮށް ހަތް ޕޮއިންޓުގެ ލީޑަކާއެކު ރިއަލް މެޑްރިޑް ތާވަލުގެ އެއްވަނައިގައި ހަމަޖެހިލައިފި އެވެ.
ހޮނިހިރު ދުވަހުގެ ރޭ ސެންޓިއާގޯ ބާނެބޫގައި ކުޅުނު މި މެޗުގައި ފުރަތަމަ ދެ ގޯލު ޖެހީ އެމްބާޕޭ އެވެ. ލިބުނު ޕެނަލްޓީއެއްގައި 19 ވަނަ މިނެޓުގައި ފުރަތަމަ ގޯލު ޖެހިއިރު ދެވަނަ ގޯލު 31 ވަނަ މިނެޓުގައި އޭނާ ޖެހި އަރްދާ ގުލާގެ ތަނަވަސްކޮށްދިން ފުރުސަތަކުންނެވެ.
މެޗުގެ 43 ވަނަ މިނެޓުގައި ވެސް މެޑްރިޑަށް ޕެނަލްޓީއެއް ލިބުނެވެ. ނަމަވެސް ވިނީޝިއަސް ޖޫނިއާ ޖެހި މި ޕެނަލްޓީ ވެލެންސިއާގެ ކީޕަރު ވަނީ މަތަކޮށްފަ އެވެ. ނަމަވެސް އޭގެ މިނެޓެއް ފަހުން ވަލްވާޑޭ ތަނަވަސްކޮށްދިން ފުރުސަތެއްގެ ބޭނުން ހިފައި ބެލިންގްހަމް ވަނީ އޭރިއާ ބޭރުން ހަމަލާއެއް ފޮނުވާލާ ގޯލަށް ވައްދާލާފަ އެވެ.
މެޗުގެ ފަހު ގޯޅު 82 ވަނަ މިނެޓުގައި ޖަހައިދިނީ ކަރޭރާސް އެވެ. މިއީ ި ސީޒަނުގައި އަލަށް މެޑްރިޑާ ގުޅުނު ޑިފެންޑަރު އެ ކުލަބަށް ޖެހި ފުރަތަމަ ގޯލެވެ.
މި މޮޅާއެކު މެޑްރިޑަށް ވަނީ ކުޅުނު 11 މެޗުން 30 ޕޮއިންޓް ލިބިފަ އެވެ. ދެވަނައިގައި އޮތް ވިލަރެޔާލަށް ލިބިފައިވަނީ 23 ޕޮއިންޓެވެ. އަދި އެއް މެޗު މަދުން ކުޅެ ބާސެލޯނާ އަށް ލިބިފައިވަނީ 20 ޕޮއިންޓެވެ. ބާސެލޯނާ އާއި އެލްޗޭ ބައްދަލުކުރާ މެޗު ފަށާނީ މިރޭ 22:30 ގަ އެވެ.
ޗެމްޕިއަންސް ލީގުގައި ލިވަޕޫލާ ދެކޮޅަށް މި ހަފްތާގައި މެޑްރިޑް ނިކުންނާނެ އެވެ.






