ބައިނަލްއަގްވާމީ ރަހުމަތްތެރިކަމުގެ މެޗެއްގައި ޖަޕާނަށް ފުޓްބޯޅަ ކުޅެން އެރުމުން ފަހަތުން އަރައި ބަލިކުރުމަށްފަހު ފަސް ތަރީގެ ބްރެޒިލް އެ ގައުމުން ބޭރުކޮށްލައިފި އެވެ.
ބްރެޒިލް ބަލިވެފައި މިވަނީ ފުރަތަމަ ހާފުގައި އެ ގައުމުން ދެ ގޯލު ޖަހާފައި ވަނިކޮށް ދެވަނަ ހާފުގައި ޖަޕާނުން ތިން ގޯލު ޖަހައިގެންނެވެ.
ބްރެޒިލްގެ ދެ ގޯލު ފުރަތަމަ ހާފުގައި ޖަހާފައިވަނީ 26 ވަނަ މިނެޓުގައި ހެންރީކޭ އަދި 32 ވަނަ މިނެޓިގައި މާޓިނެއްލީ އެވެ. ޖަޕާނުގެ ގޯލުތައް ޖަހާފައިވަނީ 52 ވަނަ މިނެޓުގައި މިނަމީނޯ، 62 ވަނަ މިނެޓުގައި ނަކަމޫރާ އަދި 71 ވަނަ މިނެޓުގައި އުއޭޑާ އެވެ.
މިއީ ޖަޕާނު އަތުން ބްރެޒިލް ބަލިވި ފުރަތަމަ ފަހަރެވެ. މިހާތަނަށް 10 ފަހަރު މި ދެ ގައުމު ބައްދަލުވެފައިވާއިރު ބްރެޒިލް ވަނީ ހަތް ފަހަރު މޮޅުވެފަ އެވެ. ދެ މެޗު އެއްވަރުވެފައިވާ އިރު ޖަޕާން މޮޅުވީ އެއްފަހަރު އެވެ. އެއީ މިއަދު މޮޅުވި މެޗު އެކަންޏެވެ.
