އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ކައުންސިލް ބަޖެޓުން ދެމުންދާ ފައިސާ ދެގުނަ ބޮޑުކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމަވައިިފި އެވެ.

އެމަނިކުފާނު މިރޭ އެކްސްގައި ކުރެއްވި ޕޯސްޓެެއްގައި ވިދާޅުވީ މިއީ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަށް އިތުރަށް ބާރުވެރިކުރުމަށް ގެނެވޭ ބަދަލެއް ކަމަށެވެ. އެގޮތުން އަންނަ އަހަރުގެ ބަޖެޓު ހުށަހެޅުމުގެ ކުރިން ދެ ބަދަލެއް ގެންނަވަން ނިންމަވާފައިވާކަން ހާމަކުރެއްވި އެވެ.

އެ ބަދަލުތަކުގެ ތެރެއިން ފުރަތަމަ ބަދަލަކީ ކައުންސިލު ބަޖެޓުން ޑަބްލިއުޑީސީތަކަށް މިހާރު ދެމުންގެންދާ ފަސް ޕަސެންޓުގެ ބަދަލުގައި 10 ޕަސެންޓު ދިނުމެވެ.

ރައީސް އިއުލާނުކުރެއްވި ދެވަނަ ބަދަލަކީ ޑަބްލިއުޑީސީގެ މެމްބަރުންނަށް ދޭ ރޯދަ އެލަވަންސް އެ ކޮމިޓީގެ ބަޖެޓުން ދިނުމުގެ ބަދަލުގައި ކައުންސިލުގެ ބަޖެޓުން ދޭގޮތަށް ހަމަޖެއްސުމެވެ.