ސްޓެލްކޯގައި އިންޖީނިއަރުންގެ ދުވަސް ކުލަގަދަކޮށް ފާހަގަ ކުރުމަށް ރަސްމިއްޔާތެއް ބާއްވައި، ސްޓެލްކޯގެ ހުރިހާ އިންޖިނިއަރުންނަށް ރަތް ދޫލައިގައި މަރުހަބާ ކިޔައިފި އެވެ.
ދިވެހިރާއްޖޭގެ އިންޖިނޭރުންގެ ދުވަސް" ކަމުގައި ދިވެހި ރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖެއްސެވީ މިއަހަރުގެ ޖޫން މަހު އެވެ. މި އަހަރުން ފެށިގެން ކޮންމެ އަހަރެއްގެ އޮގަސްޓު މަހުގެ 30 ވަނަ ދުވަހު ގައުމީ ފެންވަރުގައި އިންޖީނިއަރުންގެ ދުވަސް ފާހަގަ ކުރާނެއެވެ.
މިއަދު ސްޓެލްކޯގެ އިންޖީނަރު ޑިޕާޓްމެންޓްގެ މުވައްޒަފުން އޮފީހަށް އައިއިރު، އެ މުވައްޒަފުންނަށް ރަތް ދޫލައިގެ މަރުހަބާ އަކާއެކު ހާއްސަ ހަފްލާއެއްވެސް ވަނީ ބާއްވާފަ އެވެ.
Advertisement
ސްޓެލްކޯއިން އާއްމު ކުރި ފޮޓޯތަކަށް ބަލާއިރު، އެ ކުންފުނިން ވަނީ އިންޖީނަރުން އެ މީހުންގެ ހާއްސަ ޔުނީފޯމްގައި ތިބިއިރު، އެ ކުންފުނީގެ ވެރިންނާއެކު އޮފީހުގެ ބޭރުގައި ފޮޓޯއަކަށް ހުއްޓިގެން ލައިގެން ތިބޭ މަންޒަރު ފެނިގެންދެ އެވެ. އަދި އިންޖީނިއަރުންނަށް ހާއްސަކޮށް ސްޓެލްކޯގެ އެތެރޭގައި ހާއްސަ ރަސްމިއްޔާތެއްްވެސް ބާއްވާފައިވާއިރު، އެ ސަރަހައްދު އޮތީ ހުދާއި ނޫ ކުލައިގެ ފުއްޕާހަމުން ޒީނަތްތެރިކޮށްފަ އެވެ. އަދި ހަފްލާގެ ތެރެއިން މުވައްޒަފުންނާއެކު ކޭކު ފެޅުންވެސް ކުރިއަށް ގެންގޮސްފައިވެ އެވެ.
ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ އިއްޔެ ވަނީ އިންޖީނިއަރުންގެ ދުވަހުގެ ހެޔޮ އެދުމާއި ތަހުނިޔާ ސްޓެލްކޯގެ ހުރިހާ އިންޖީނިއަރުންނަށް ކިޔުއްވާފަ އެވެ.
"އިންސާނިއްޔަތަށް ފަސޭހަ ދިރިއުޅުމެއް ގެނެސްދިނުމަށް އަގުނުކުރެވޭ މަސައްކަތްތަކެއް ކުރައްވަމުން ގެންދަވާ، ހީވާގި އިންޖިނިޔަރުންނަށް ޝުކުރާއެކު، އިންޖީނިއަރުންގެ ދުވަހުގެ ހެޔޮ އެދުމާއި ތަހުނިޔާ އަރިސްކުރަން". ފަހުމީ ވިދާޅުވި އެވެ.
