ކެނެޑާގެ ޖަންގަލީގެ އެތައް ސަތޭކަ ތަނެއްގައި އަލިފާން ރޯވެ، ބޯޑަރުގެ އުތުރާއި ދެކުނުފަޅީގެ ވެސް ވައި ތަޣައްޔަރުވެ އެމެރިކާ އަށް ވެސް އަސަރު ކޮށްފި ކަމަށް ޚަބަރުތައް ބުނެފިއެވެ.

ހޫނު ގަދަ ވުމުގެ ސަބަބުން މެއި މަހުގެ މެދުތެރެއިން ފެށިގެން ރޯވަމުންދާ މި އަލިފާނުގެ ސަބަބުން، އެމެރިކާގައި ހުޅަނގު ފަޅީގެ މެދުތެރޭގަ އާއި އިރު އުތުރު ފަޅިއަށް ވެސް ވަރަށް ބޮޑަށް ދުމުގެ އަސަރު ކޮށްފައިވާއިރު، މިނިސޯޓާ، ވިސްކޮންސިން، މިޝިގަން، އިލިނޮއިސް، ނިއުޔޯކް، ކޮނެކްޓިކަޓް، ޕެންސިލްވޭނިއާ، އަދި މެސެޗުސެޓްސްގެ ވައި ު ވާނެ ކަމަށް ބުނެ ކަމާބެހޭ ފަރާތްތަކުން ވަނީ އެލާޓް ނެރެފައެވެ.

^{ކެނެޑާގައި ރޯވެ އަނދަމުންދާ ސަރަޙައްދުތައް ދައްކުވައިދޭ ޗާޓެއް.}

ކެނެޑާގެ ޚަބަރުތައް ބުނާ ގޮތުގައި މިހާތަނަށް ކެނެޑާގެ 3،300 އަށް ވުރެ ގިނަ ސަރަޙައްދެއްގައި އަލިފާން ރޯވިއިރު މިވަގުތުވެސް ހުއްޓުމެއް ނެތި 200 އަށްވުރެ ގިނަ ސަރަޙައްދުގައި ދަނީ ރޯވަމުންނެވެ. މި ހާދިސާތަކުގައި 5.5 މިލިއަނަށް ވުރެ ގިނަ ހެކްޓަރުގެ ބިން އަނދާފައިވެ އެވެ.

ޚަބަރުތައް ބުނާ ގޮތުގައި މެނިޓޯބާގައި މަދުވެގެން 40،000 މީހުން ގެދޮރު ދޫކޮށް ދިޔުމަށް މަޖުބޫރުވެ، 400 އަށް ވުރެ ގިނަ ތަންތަން އަނދާފައި ވެއެވެ. މި ޙާދިސާތަކުގައި އާންމުންގެ ދެ މީހަކު މަރުވެފައިވާ ކަމަށް ވެސް ރިޕޯޓްތައް ބުނެ އެވެ.

މި އަލިފާނުގެ ސަބަބުން އެމެރިކާގެ ހުޅަނގު އުތުރާއި މެދުތެރޭގެ ޖައްވު ތައްޔާރުވެ އެކަމުގެ ސަބަބުން އެމެރިކާގެ 9 މިލިއަނަށް ވުރެ ގިނަ މީހުން ޞިއްޙީ މައްސަލަތަކަށް ހުށަހެޅިފައިވާ ކަމަށާއި އެތައް ބަޔަކު ނޭވާލާ ނިޒާމްގެ މައްސަލަތަކާއި ގުޅިގެން ފަރުވާ ހޯދާފައިވާ ކަމަށް ޚަބަރުތައް ބުނެއެވެ.

ނިއުޔޯކުގައި ބައެއް ދާއިރާތަކުން މިހާރު ދަނީ މަގުމައްޗަށް ނުކުމެ ނޫޅުމަށް ކުޑަކުދިންނަށާއި އުމުރުން ދުވަސްވީ މީހުންނަށް ސިއްހީ ލަފާ ވެސް ދެމުންނެވެ.