2000 ވަނަ އަހަރުތަކުގައި ދިވެހިންގެ މެދުގައި އެންމެ މަޤްބޫލު އެއް ކުޅިވަރުގެ ގޮތުގައި ފާހަގަކުރެވުނު ހާރުދަން ވާދެމުމުގެ މުބާރާތެއް އަލުން ބޭއްވުމަށް ރޮކްޒީން ވަނީ އިޢުލާން ކޮށްފައެވެ. މި މުބާރާތް ބޭއްވުމަށް ހަމަޖެހިފައިވަނީ އަޟްހާ އީދުގެ މުނާސަބަތުގައި ހުޅުމާލޭގައެވެ.

ފިޝާވިން/ރޮކްޒީގެ ރައީސް މަޢުލޫމާތު ދެއްވި ގޮތުގައި، "ވާދެމުމަކީ ދިވެހިންގެ ލެޔާއި ޖޯޝު ކައްކުވާލަދިން ކުޅިވަރެއް" ކަމަށާއި، އަލުން އަނބުރާ އެ ކުޅިވަރު އެ ފޯރީގައި ކުރިއަށް ގެންދިއުމަކީ އެފަރާތުގެ އަމާޒެއް ކަމުގައި ވިދާޅުވިއެވެ.

މި މުބާރާތް ފެށުމަށް ހަމަޖެމަޖެހިފައިވަނީ ޖޫން މަހުގެ 7 ވަނަ ދުވަހުއެވެ. މުބާރާތުގައި ބައިވެރިވުމުގެ ފުރުޞަތު ހުޅުވާލާފައިވަނީ ރަށްރަށުގެ ނަމުގައި ވާދަކުރާ ޓީމުތަކަށާއި، ކްލަބް ޖަމްޢިއްޔާތަކަށެވެ. ކޮންމެ ޓީމެއްގައިވެސް 10 ކުޅުންތެރިންނާއި 4 އޮފިޝަލުން ހިމެނޭނެއެވެ.

މުބާރާތުގެ މެޗުތައް ކުޅުމަށް ހަމަޖެހިފައިވަނީ ހުޅުމާލެ ސެންޓްރަލް ޕާކުގައެވެ. މެޗުތައް ކުޅެވޭނީ ކޮންމެ ރެއަކު 8:00 އިން 12:00 އަށެވެ.