ޗެމްޕިއަންސް ލީގް ސެމީފައިނަލްގެ ދެވަނަ ލެގުގައި އިންޓަރ މިލާނުން ރޭ ބާސެލޯނާއާ ކުރިމަތިލައި 4-3 އިން ބާސާ ބަލިކޮށްފިއެވެ. މިއާއެކު އިންޓަރ މިލާން ވަނީ އެގްރެގޭޓް ސްކޯރ 7-6 އިން ކާމިޔާބުކޮށް، ޗެމްޕިއަންސް ލީގް ފައިނަލަށް ގޮސްފައެވެ.

^{އިންޓަ މިލާނަށް ފުރަތަމަ ލަނޑު ލަނޑު ޖަހައިދިން ކެޕްޓަން ލައުޓާރޯ މާޓިނޭޒް އުފާ ފާޅުކުރަނީ.}

ސަން ސިރޯ ސްޓޭޑިއަމްގައި ކުޅުނު މި މެޗުގައި ފުރަތަމަ ގޯލު ޖެހީ މެޗުގެ 21 ވަނަ މިނެޓުގައި އިންޓަމިލާނުގެ ކެޕްޓަން ލައުޓާރޯ މާޓިނޭޒް އެވެ. ހާފް ނިމުމުގެ ކުރިން ޕެނަލްޓިއަކުން ހަކާން ކަލަހަނޯލު ދެވަނަ ލަނޑު ޖަހައިދިނެވެ.

ދެވަނަ ހާގުގައި ބާސެލޯނާ ވަނީ ދެ ގޯލު ޖަހައި މެޗު އެއްވަރުކޮށްފައެވެ. ބާސެލޯނާގެ ފުރަތަމަ ގޯލު ޖެހީ 54 ވަނަ މިނެޓުގައި އެރިކް ގާސިއާއެވެ. އެއަށްފަހު ބާސާއިން 60 ވަނަ މިނެޓުގައި ދެވަނަ ގޯލު ޖެހިއެވެ. މި ގޯލް ޖަހައިދިނީ ދާނީ އޮލްމޯއެވެ. މެވުގެ 90 މިނެޓް ހަމަވާން 2 މިނެޓަށް ވެފައި ވަނިކޮށް ރަފިންހާ ވަނީ ގޯލެއް ޖަހައި 3-2 އަށް ނަތީޖާ ބަދަލުކޮށްފައެވެ.

^{ރަފިންހާގެ ގޯލާއެކު ބާސެލޯނާ ލީޑު ނެގީ ފުރަތަމަ ފަހަރަށް އެއްވަރުވެގެންނެވެ}

ނަމަވެސް 90+3 ވަނަ މިނެޓުގައި އިންޓަރ މިލާންގެ ފްރަންޗެސްކޯ އަސެރްބީ ޖެހި ގޯލުން މެޗު ވަނީ މެޗް އެއްވަރުވެ އެކްސްޓްރާ ޓައިމަށް ގޮސްފައެވެ.

އާޚިރުގައި ކަން ދިމާވީ އިތުރު ގޯލެއް އިޓަލީ ޓީމު ޖެހުމެވެ. އެކްސްޓްރާ ޓައިމްގައި މި ގޯލު ޖަހައިދިނީ ފްރަޓެސީ އެވެ. މިއާއިއެކު އިންޓަރ މިލާން ވަނީ މެޗު ކާމިޔާބުކޮށްފައެވެ.

^{އިންޓަ މިލާންގެ ފްރާންސެސްކޯ އަސެރްބީ އުފާފާޅުކުރަނީ. ފަހު ވަގުތު އޭނާ ޖެހި ލަނޑުން އިތުރު ވަގުތު ކުޅެން ޖެހުނު.}

މި ކާމިޔާބީއާއެކު އިންޓަރ މިލާން ވަނީ ތިން އަހަރުގެ ތެރޭގައި ދެވަނަ ފަހަރަށް ޗެމްޕިއަންސް ލީގް ފައިނަލަށް ގޮސްފައެވެ.

ޗެމްޕިއަންސް ލީގް ފައިނަލް ކުޅޭނީ މެއި 31 ވަނަ ދުވަހު މިއުނިކްގައެވެ. އިންޓަރ މިލާން ފައިނަލުގައި ކުޅޭނީ ޕީއެސްޖީ ނުވަތަ އާސެނަލްއާ ދެކޮޅަށެވެ.

މި މެޗަކީ ޗެމްޕިއަންސް ލީގް ތާރީޚުގައި އެންމެ ގިނަ ގޯލު ޖެހުނު ސެމީފައިނަލް މެޗުތަކުގެ ތެރެއިން އެއް މެޗެވެ. މީގެ ކުރިން މިވަރުގެ ސްކޯއެއް ރެކޯޑުކުރެވިފައިވަނީ 2018 ވަނަ އަހަރު ލިވަޕޫލް އާއި ރޯމާ ކުޅުނު މެޗުގައެވެ.