ޗެމްޕިއަންސް ލީގުގެ ސެމީފައިނަލްގެ ފުރަތަމަ ލެގުގައި ބާސެލޯނާއިން އިންޓަރ މިލާނާއި މިރޭ ކުރިމަތިލުމަށް ތައްޔާރުވަމުންދާއިރު، މި ދެ ޓީމުގެ މެދުގައި ކުރިއަށްދާނެ މުހިންމު ހަނގުރާމަތަކަށް ބަލައިލާނަމެވެ.

ފުރަތަމަ ކަމަކަށް، ރޮބަޓް ލެވަންޑޮވްސްކީ އާއި ފްރަންޗެސްކޯ އަސެރްބީގެ ހަނގުރާމައެވެ. ދުނިޔޭގެ އެންމެ މޮޅު ސްޓްރައިކަރުންގެ ތެރޭގައި ހިމެނޭ ލެވަންޑޮވްސްކީ ވާދަކުރާނީ އިންޓަރގެ ސެންޓްރަލް ޑިފެންޑަރު އަސެރްބީއާ ދެކޮޅަށެވެ. އަސެރްބީ ވަނީ މިސީޒަނުގައި އާލިންގ ހާލަންޑް ފަދަ ސްޓްރައިކަރުން ހުއްޓުވުމުގައި ފާހަގަކޮށްލެވޭ ކުޅުމެއް ދައްކާފައެވެ.

^{މެންޗެސްޓާގެ ސިޓީ އޮފް މެންޗެސްޓާ ސްޓޭޑިއަމްގައި ސެޕްޓެމްބަރު 18 ގައި ކުޅުނު ޔޫއެފާ ޗެމްޕިއަންސް ލީގު 2024/25 ގައި މެންޗެސްޓާ ސިޓީ އާއި އިންޓަރ ބައްދަލުކުރި މެޗުގައި ސިޓީގެ ހާލަންޑް ބޮލުން ބޯޅަ ބޯޅަ ޖަހަނީ. (ފޮޓޯ: ގެޓީ އިމޭޖްސް)}

ދެވަނައަށް، ލަމީން ޔަމަލް އާއި އަލެސަންޑްރޯ ބަސްޓޯނީގެ ހަނގުރާމައެވެ. އުމުރުން 17 އަހަރުގެ ޔަމަލްއަކީ މިސީޒަނުގައި ޗެމްޕިއަންސް ލީގުގައި 11 މެޗުން ހަތަރު ގޯލު ޖަހާފައިވާ ހުނަރުވެރި ކުޅުންތެރިއެކެވެ. ކުޑަކުޑަ މެސީ އޭ ވެސް ބައެއް ދިވެހިން ބުނެއެވެ. އޭނާ ވަނީ ހަތަރު އެސިސްޓް ވެސް ހަދާފައެވެ. މިރޭ އޭނާ ވާދަކުރާނީ ޔޫރަޕްގެ އެންމެ މޮޅު ޑިފެންޑަރުންގެ ތެރޭގައި ހިމެނޭ ބަސްޓޯނީއާ ދެކޮޅަށެވެ.

^{ޔަމާލް: މިރޭގެ މެޗުގެ ކުރިން ދިން އިންޓަވިއުއެއްގައި ލަމީން ޔަމާލް ބުނީ މިރޭ ބާސެލޯނާ ކުޅޭ މެޗުގެ ކުރިން ޔަމާލް ބުނެފައިވަނީ އޭނާ މެސީއާ އަޅުވައި ކިޔަން ބޭނުންނުވާ ކަމަށް.}

ތިންވަނައަށް، ޕެޑްރީ އާއި ނިކޮލޯ ބަރެއްލާގެ ހަނގުރާމައެވެ. މި ދެ ކުޅުންތެރިންނަކީ ވެސް ޔޫރަޕްގެ އެންމެ މޮޅު މިޑްފީލްޑަރުންގެ ތެރޭގައި ހިމެނޭ ދެ ކުޅުންތެރިންނެވެ. ބަރެއްލާގެ އަވަސް ކަމާއި ބޯޅަ ގެންގުޅުމުގެ ހުނަރު ބާސެލޯނާއަށް ގޮންޖެހުމަކަށް ވެދާނެ ކަމަށް ބެލެވެއެވެ.

ފަހު ހަނގުރާމައަކީ ބާސެލޯނާގެ ޑިފެންޑަރުން ޕައު ކުބަރްސީ އާއި ރޮނަލްޑް އަރައުހޯ އާއި އިންޓަރގެ ސްޓްރައިކަރުން ލައުޓާރޯ މާޓީނެޒް އާއި މާކަސް ތުރާމްގެ މެދުގައި ކުރިއަށްދާނެ ހަނގުރާމައެވެ. މާޓީނެޒްއަކީ މިސީޒަނުގައި ޗެމްޕިއަންސް ލީގުގައި އަށް ގޯލު ޖަހާފައިވާ ކުޅުންތެރިއެކެވެ.

^{ލައުރޯ މާޓިނޭޒް: މިފަހަރުގެ ޗެމްޕިއަންސް ލީގުގައި އޭނާ ވަނީ 8 ގޯލް ޖަހާފައި.}

މި ހަނގުރާމަތަކުގެ ނަތީޖާއަކީ މެޗުގެ ނަތީޖާއަށް ވަރަށް ބޮޑު އަސަރެއް ކުރާނެ ކަންކަމެވެ. މިރޭ ކުޅޭ މި މެޗުގެ ނަތީޖާއަކީ ސެމީފައިނަލްގެ ދެވަނަ ލެގަށް ވަރަށް މުހިންމު ނަތީޖާއަކަށް ވެގެންދާނެއެވެ.