ޔޫއެފާ ޗެމްޕިއަންސް ލީގުގެ ސެމީފައިނަލްގެ ފުރަތަމަ ލެގުގައި ޕެރިސް ސެއިންޓް-ޖަރމޭން (ޕީއެސްޖީ) އިން އާސެނަލް 1-0 އިން ބަލިކޮށްފިއެވެ. އެމިރޭޓްސް ސްޓޭޑިއަމްގައި މިރޭ ކުޅުނު މި މެޗުގައި ހަމައެކަނި ފެނުނު ގޯލު ޖެހީ ޕީއެސްޖީގެ ފްރާންސް ވިންގަރ އުސްމާން ޑެމްބެލޭއެވެ.
މެޗުގެ 4 ވަނަ މިނެޓުގައި އާސެނަލްގެ ގޯލަށް ޑެމްބެލޭ ބޯޅަ ފޮނުވާލަނީ.
މެޗުގެ 4 ވަނަ މިނެޓުގައި ލިބުނު ކައުންޓާ އެޓޭކެއްގައި ޑެމްބެލޭ ގޯލު ޖެހިއިރު، ފުރަތަމަ ހާފު މުޅިން ޑޮމިނޭޓް ކުރީ ވެސް ޕީއެސްޖީއެވެ.
މެޗުގެ 65 ވަނަ މިނެޓުގައި ބުކާޔޯ ސަކާ ޖެހި ގޯލު ވީއޭއާރު ޗެކަކަށްފަހު އޮފްސައިޑްގެ ކަމަށް ނިންމިއެވެ.
އާސެނަލްގެ މެނޭޖަރ މިކެލް އަރޓެޓާ ވަނީ ގޯލު ޖެހުމުގެ ފުރުސަތުތައް ހަނި ކަމަށް. ބުނެ ހިތްހަމަނުޖެހުން ފާޅުކޮށްފައެވެ. ނަމަވެސް އަންނަ ހަފްތާގައި ޕެރިސްގައި ކުޅޭ ދެވަނަ ލެގާ މެދު އުންމީދު ކުރާ ކަމަށް އޭނާ ބުންޏެވެ..
