ޔަމަނުގެ ރައްޔިތުން މަރަން ބޮން އަޅަމުންދާ އެމެރިކާގެ ހަނގުރާމަމަތީ ފައިޓާ ޖެޓް ރަތްކަނޑަށް ވެއްޓިފައިވާ ކަމަށް އެމެރިކާގެ އަސްކަރިއްޔާއިން ބުނެފިއެވެ.
ވެއްޓުނީ އެފްއޭ 18 ސުޕަރ ހޯނެޓް ފައިޓަރ ޖެޓެވެ. މި މަތިންދާބޯޓުގެ އަގަކީ 60 މިލިއަން އެމެރިކާ ޑޮލަރެވެ.
އެމެރިކާގެ އަސްކަރިއްޔާއިން ބުނާ ގޮތުގައި ހާދިސާ ހިނގީ ޙޫޘީންގެ ޙަމަލާއަކުން ރެކެންވެގެން ޔޫއެސްއެސް ހެރީ އެސް ޓްރޫމަން މަނަވަރުގެ މިސްރާބު ކުއްލިއަކަށް އަނބުރާލުމުންނެވެ.
މި ހާދިސާ ހިނގީ އެމެރިކާއިން ޔަމަނުގެ ރައްޔިތުންނަށް އަމާޒުކޮށް ހަމަލާ ދެމުންދިޔަ ވަގުތުގައިނކަމަށްވާއިރު، ޙޫޘީން ދަނީ ޔަހޫދީ ދައުލަތަށާއި ރަތްކަނޑުން ދަތުރުކުރާ އާގުބޯޓުތަކަށް ޙަމަލާދެމުންނެވެ. މިއީ ފަލަސްޠީނުގެ ޣައްޒާގައި ހިނގަމުންދާ ޢުދުވާނާ ދެކޮޅަށް އެ ޖަމާޢަތުން ފަށާފައިވާ ޙަރަކާތްތަކެކެވެ.
