ޕެރިސް ސެއިންޓް ޖާމައިން (ޕީއެސްޖީ) އިން ޖެހިޖެހިގެން ހަތަރު ވަނަ ފަހަރަށް ލީގު 1 ގެ ޗެމްޕިއަންކަން ހޯދައިފިއެވެ.
މިފަހަރު ލީގު ކާމިޔާބު ކުރުމާއެކު ޕީއެސްޖީ އިން މިވަނީ ވޭތުވެދިޔަ 13 ސީޒަންގެ ތެރޭގައި 11 ފަހަރު ލީގު ކާމިޔާބު ކޮށްފައެވެ. އަދި މުޅި ޖުމްލަ ޕީއެސްޖީއިން ވަނީ ފްރެންޗް ލީގު ތަށި 13 ފަހަރު ކާމިޔާބު ކޮށްފައެވެ.
ކޯޗު ލުއިސް އެންރީކޭގެ އިރުޝާދުގެ ދަށުން 1-0 އިން އޭންޖާސް ބަލިކޮށް މުޅި ސީޒަނުގައި ވެސް ޕީއެސްޖީ ވަނީ ބަލިނުވެ ރެކޯޑެއް ދަމަހައްޓާފަ އެވެ. އެއީ ދެވަނައިގައި އޮތް މޮނާކޯއަށްވުރެ 24 ޕޮއިންޓް ކުރީގައި އޮވެގެންނެވެ، ޖުމްލަ 80 ގޯލް ޖަހާފައި ވެއެވެ. އުސްމާނޭ ޑެމްބެލޭ ވަނީ 21 ގޯލާއެކު ލަނޑު ޖެހުމުގެ ޗާޓްތަކުގެ އެއްވަނައިގައި ހިމެނިފައެވެ.
